27.12.2017 / 13:30

У Баранавічах арыштавалі сем машын за нелегальную перавозку пасажыраў праз сэрвіс заказу таксі «Максім» 2

З'яўленне на рынку пасажырскіх перавозак расійскай службы замаўлення аўтатранспарту «Максім» выклікала незадаволенасць у баранавіцкіх таксістаў і занепакоенасць у супрацоўнікаў падатковых органаў. Галоўная праблема, якая паўстала са з'яўленнем сэрвісу «Максім» — рост колькасці нелегальных перавозчыкаў. Сэрвіс працуе ў двух гарадах Брэсцкай вобласці — Баранавічах і Брэсце.

Калі пачалі паступаць скаргі на службу «Максім», супрацоўнікі падатковых органаў сталі больш дбайна кантраляваць сферу пасажырскіх перавозак і выявілі больш за 70 фактаў парушэння дзейнага заканадаўства з выкарыстаннем мабільнага дадатка сэрвісу замовы таксі «Максім» у гэтых двух гарадах.

У Баранавічах арыштавана сем аўтамабіляў, уладальнікі якіх перавозілі пасажыраў нелегальна: без ліцэнзіі і рэгістрацыі ў якасці ІП, паведамілі Intex-press у ІМПЗ па Брэсцкай вобласці. Па рашэнні суда іх могуць канфіскаваць як прыладу здзяйснення адміністрацыйнага правапарушэння. Парушальнікі заплацілі падаткі і штрафы на суму каля 2300 рублёў.

Што ж тычыцца самога сэрвісу замаўлення таксі «Максім», то і яго дзейнасць зараз старанна правяраюць. Праўда, пакуль без каментароў для СМІ.

0
Redo / Адказаць
27.12.2017 / 14:11
Ну ребята попались, не все коту масленица. Главное, что бы авто не конфисковали, а то у нас всяко бывает. Штрафы взбодрят, может быть последние смельчаки зарегистрируют ИП и хотя бы немного начнут платить в казну - надо же на жись председателю...
0
н.м. / Адказаць
28.12.2017 / 07:55
канкурэнцыя, однако...
Каб пакінуць каментар, калі ласка, актывуйце JavaScript у наладах свайго браўзеру