03.01.2018 / 11:50

5—7 студзеня — легендарныя «Хронікі Нарніі»: прэзентацыя фільма і кнігі па-беларуску 5

Кінатэатр «Масква» (пр.Пераможцаў, 13).

5—7 студзеня ў кінатэатры «Масква» адбудзецца прэм’ера фільма «Хронікі Нарніі: Леў, Вядзьмарка і гардэроб» і аднайменнай знакамітай казкі К. С. Льюіса ў перакладзе на беларускую мову.

Падчас Другой сусветнай вайны чацьвярых дзяцей эвакуююць углыб Англіі. Яны пасяляюцца ў доме старога прафесара. Малодшая з дзяцей, Люсі, падчас гульні ў хованкі знаходзіць у шафе-гардэробе праход у чароўную краіну — Нарнію. Там ужо 100 год зіма, якую начаравала Белая Вядзьмарка. Ці здолеюць дзеці разбіць злыя чары і стаць каралямі і каралевамі Нарніі?

Кнігай «Леў, Вядзьмарка і гардэроб» К. С. Льюіс разам са сваім сябрам Дж. Р. Р. Толкінам заклаў падваліны жанру «фэнтэзі». Казка нязменна ўваходзіць у рэйтынгі самых чытаных і самых улюбёных дзіцячых кніг. Экранізацыя чароўнай гісторыі, створаная кампаніямі Disney і Walden Media, стала адным з самых папулярных фільмаў 2005 года. Цяпер кіно выходзіць на кінаэкраны і па-беларуску.

Фільм агучаны кампаніяй «Кінаконг» ў межах праекта «Беларускія ўікэнды» пры падтрымцы кампаніі velcom. У агучцы бралі ўдзел найлепшыя беларускія акцёры і тэлевядучыя.

Прэм’ера фільма па-беларуску: 5 студзеня ў кінатэатры «Масква». Пачатак сеанса а 18:40.

Перад фільмам пройдзе кароткая прэзентацыя першага перакладу аднайменнай кнігі на беларускую мову. На яго выданне зараз ідзе збор грошай.

Сеансы ў наступныя дні, 6 і 7 студзеня, пройдуць а 16:30.

У дні паказаў будзе магчымасць набыць кнігу па зніжанай цане проста ў кінатэатры.

Дадатковыя паказы фільма «Хронікі Нарніі: Леў, Вядзьмарка і гардэроб» пройдуць 12—14 студзеня ў кінатэатры «velcom cinema» (ГЦ «Дана Мол», вул Пятра Мсціслаўца, 11).

Падрабязнасці на сайце kinakong.by.

0
Войтка / Адказаць
29.12.2017 / 17:50
Лепей бы яны паказалі "Жонку наглядніка заапарка" у абласных местах... Я так хацеў пайсьці, а яны толькі ў Менску ды Берасьці паказалі(
0
Isebreaker / Адказаць
03.01.2018 / 15:42
Войтка, дый тое толькі тры сеансы!!!! Я і ў Менску не паспеў схадзіць(((( 
0
Кажыма праўду / Адказаць
03.01.2018 / 16:24
Зацята захоўвайма спакой ды ўпарта рабіма беларушчыну.

Няхай шырыцца беларуская прастора!
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру