27.12.2017 / 19:55

У мінскім аэрапорце загінуў авіяінжынер, зваліўшыся з крыла самалёта 12

У мінскім аэрапорце ў канцы мінулага тыдня зваліўся з вышыні інжынер, які чысціў грузавы «Іл-76». Мужчына памёр пасля прыезду хуткай, паведамляе Tut.by. У следчым камітэце факт гібелі мужчыны пацвярджаюць.

Ілюстрацыйнае фота

Паводле інфармацыі чытача, 34-гадовы мужчына счышчаў снег з крыла самалёта «Іл-76». Ён працаваў на адну з грузавых авіякампаній, якія базуюцца ў нацыянальным аэрапорце «Мінск».

«Счышчаў снег наўпрост з крыла. Самалёты не маленькія, і крыло там пачынаецца ад верху фюзеляжа — вышыня каля трох паверхаў атрымліваецца. Заснежаны алюміній слізкі, — адзначыў сведка здарэння.

Афіцыйны прадстаўнік следчага камітэта Юлія Ганчарова пацвердзіла факт гібелі маладога чалавека — гэта адбылося 22 снежня, паміж 10 і 11 гадзінамі раніцы.

«Па факце смерці маладога чалавека Кастрычніцкі раённы аддзел следчага камітэта Менска праводзіць праверку. Мужчына працаваў інжынерам па тэхнічным абслугоўванні, рамонце і эксплуатацыі авіятэхнікі. Следчы агледзеў месца здарэння, канфіскаваная неабходная дакументацыя. Прызначаная судмедэкспертыза, якая павінна ўстанавіць дакладную прычыну смерці, апытваюцца відавочцы, ўстаноўліваюцца абставіны здарэння. Вядома, што малады чалавек памёр пасля прыбыцця хуткай дапамогі», — сказала яна.

0
Бенедзікт / Адказаць
27.12.2017 / 20:02
Вечная памяць чалавеку.  То на дах загоняць людзей, то на крыло самалёта... І самае паскуднае, што без страхоўкі там працуюць людзі.

5
Русафоб непамяркоуны, Змагар, Свядомы , Пан, Беларус-ту / Адказаць
27.12.2017 / 20:23
Дык на фота як бы не Iл , а Боiнг
0
xxx / Адказаць
27.12.2017 / 20:25
Всё спишут на нарушение техники безопасности самим погибшим.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру