28.12.2017 / 18:22

Паўднёвая Карэя збіраецца забараніць ананімны гандаль крыптавалютамі 4

Ўлады Паўднёвай Карэі маюць намер абмежаваць спекулятыўную актыўнасць на рынку крыптавалют і разглядаюць магчымасць поўнага закрыцця крыптавалютных біржаў у краіне, паведамляе Wall Street Journal.

«Улады болей не могуць пакідаць без увагі анамальную сітуацыю з крыптавалютамі і нематывавана перагрэты» рынак крыптавалют, — гаворыцца ў паведамленні ўраду.

Ініцыятывы ўраду, якія могуць пачаць ажыццяўляцца ўжо са студзеня, ўключаюць у сябе забарону на выкарыстанне ананімных крыптавалютных рахункаў, а таксама пазбавяць банкі магчымасці аказваць разліковыя паслугі для ананімных аперацый з крыптавалютамі — паведаміў паўднёвакарэйскі ўрад.

На мінулым тыдні біржа крыптавалют Youbit абвесціла пра спыненне дзейнасці і банкруцтва. Яна ў другі раз за восем месяцаў стала ахвяраю хакерскай атакі і ў выніку страціла частку актываў у лічбавых валютах.

Паўднёвая Карэя з'яўляецца важным элементам крыптавалютнай сістэмы свету. У пэўныя перыяды каля чвэрці аб'ёмаў ўсяго гандлю біткойнамі ажыццяўлялася з яе тэрыторыі.

nn.by

7
Миля. / Адказаць
28.12.2017 / 18:54
Не хочуць жыть добра и ня трэба, мы, гэта дабро сабе забяром.
3
Redo / Адказаць
28.12.2017 / 21:09
Мало понимаю в системе оборота криптовалют, но если хитрые корейцы что-то имеют против них, то это не беспочвенно.
Субъективно мое мнение.
1
Юрась Беларус / Адказаць
28.12.2017 / 21:14
Правільна пастаўленае пытанне : здзелкі не могуць быць ананімнымі. Бо гэта прывядзе да росквіту злачынных здзелак.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру