29.12.2017 / 13:54

Памёр былы галоўны трэнер зборнай Беларусі па біятлоне Уладзімір Плаксін 1

29 снежня 2017 года пасля цяжкай і працяглай хваробы пайшоў з жыцця заслужаны трэнер Беларусі Уладзімір Плаксін, паведамляе прэс-служба Беларускай федэрацыі біятлона.

Уладзімір Плаксін нарадзіўся ў 1949 годзе ў Мінскай вобласці. Майстар спорту СССР, у складзе зборнай каманды БССР прымаў удзел у спартакіядзе Савецкага Саюза. Пасля заканчэння спартыўнай кар'еры працяглы час працаваў дзяржаўным трэнерам Беларусі па зімовых відах спорту, галоўным трэнерам нацыянальнай каманды Беларусі па біятлоне, старшынёй дырэктарата нацыянальных каманд Міністэрства спорту і турызму.

Узначальваў штаб нацыянальнай зборнай на Алімпійскіх гульнях 1994, 1998 гадоў, на якіх беларускія спартсмены неаднаразова ўздымаліся на п'едэстал. У 1996, 1997 гадах пад яго кіраўніцтвам нацыянальная каманда заваёўвала першыя месцы ў камандных гонках. У 1999 годзе ўпершыню мужчынская нацыянальная каманда па біятлоне стала пераможцам чэмпіянату свету ў эстафеце.

0
Наталия Шауро-Гамезо / Адказаць
29.12.2017 / 20:24
Светлая Вечная Память о Владимире Николаевиче Плаксине. Прекрасный человек, тренер замечательный отец. Большое горе у нас близких и родных. Соболезнование дочери Елене сыну Владимиру, а также всей семье.
Каб пакінуць каментар, калі ласка, актывуйце JavaScript у наладах свайго браўзеру