30.12.2017 / 14:55

Паслухайце, як павіншаваў з Годам сабакі Уладзімір Някляеў 17

Выбітны беларускі паэт назваў свой верш-віншаванне «Сабачае шчасце».

Пажадай мне што-небудзь,
што можаш сястры, або брату
Пажадаць на Каляды… Я нават не ведаю, што?
Навагодняя елка міргае — 
і доўжацца святы,
І страляе 
з шампанскага корак
над рэкламаю «суперлато».

Можа быць, мне білецік набыць?..
Ёсць жа ў свеце шалёная ўдача,
нечаканае шчасце,
што чакае мяне аднаго!..

Але хто
у падворку
пад елкай 
задушліва плача?..
Паглядзеў — там шчаня. 
І прынёс я дахаты яго.

Калі свята ва ўсіх — і ў сабакі павінна быць свята!..
Ён сагрэўся, паеў,
не здзівіўшыся шчасцю свайму…
Калі раптам удача
праміне ў Новы год 
тваю хату, 
дык сабаку
у хату вазьмі… І пашчасціць табе, як яму!

2
хамса / Адказаць
30.12.2017 / 15:09
сабака жыве 15 год. я жыву ўжо трэцяе сабачае жыццё, дык што мне наракаць? (анекдот)
2
Русафоб непамяркоуны, Змагар, Свядомы , Пан, Беларус-ту / Адказаць
30.12.2017 / 15:13
Кранаюча. Дзякуй , спадар Уладзiмiр
8
awa / Адказаць
30.12.2017 / 16:25
А калі б  быў  год сьвіньні?
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру