На парлямэнцкіх выбарах будзе шаснаццаць безальтэрнатыўных акругаў. Прычым, сем зь іх на Гарадзеншчыне.
Чарговае зьняцьцё кандыдату зафіксаванае ў Івейскай акрузе. У ЦВК паступіла вусная заява дзейснага дэпутата палаты Ўладзімера Баршчова аб выхадзе з выбарчай гонкі. Такім чынам, адзіным кандыдатам па гэтай акрузе засталася намесьніца старшыні Ашмянскага гарвыканкаму Валянціна Лузына.
Таксама безальтэрнатыўнымі зьяўляюцца: Івацэвіцкая, Пінская вясковая, Віцебская Горкаўская, Наваполацкая, Рагачоўская, Ваўкавыская, Лідзкая, Мастоўская, Наваградзкая, Смаргонская, Шчучынская, Барысаўская вясковая, Маладэчанская вясковая і Нясьвіская акругі.