03.01.2018 / 14:38

У Лідзе адкрылі мурал з князем Гедымінам ФОТА 21

Другі па велічыні горад у Гродзенскай вобласці наўрад ці быў бы такім, калі б у пачатку XIV стагоддзя князь Гедымін не пабудаваў тут славуты замак. У 2010 годзе бульвар Чапаева, які цягнецца ад аўтавакзала да замка, перайменавалі ў гонар князя — заснавальніка Ліды, а зараз лідскія мастакі паставілі лагічную кропку ў працэсе — на будынку мастацкай галерэі, што па Гедыміна 12 — з'явіўся мурал з партрэтам князя, паведамляе budzma.by.

Гэтая галерэя адкрылася у 2016-м. У яе гаспадара Паўла Мацылевіча адразу ўзнікла ідэя пра графіці ў дворыку, балазе ў горадзе жыве мастак Сяргей Русак, які раней ужо ўпрыгожваў сцены ў Лідзе і ў Мінску. Аднак спатрэбілася яшчэ трохі часу, каб зоркі сышліся і задуманае ператварылася ў рэалізаванае.

У пачатку мінулага года кампанія «Будзьма беларусамі!» упершыню прыехала ў Ліду з кірмашом праектаў. Адну з прэзентацый рабіў Сяргей Русак, які прапаноўваў свае рукі і талент, каб напоўніць гарадскую прастору мураламі.

— Тады гэта справакавала ажыццявіць ідэю, бо мы ўжо хацелі адкласці ўсё яшчэ на год. Сяргей падагнаў гэтую справу, і так мы дамовіліся зрабіць мурал з Гедымінам, — расказвае Павал Мацылевіч.

Акрамя партрэта вялікага князя мастак і галерыст разглядалі яшчэ эскіз з абстракцыяй, але паколькі прастора знаходзіцца на бульвары Гедыміна, спыніліся на гістарычным сюжэце.

01

— Я старанна шукаў партрэты Гедыміна. Былі патрэбныя малюнкі, дзе рысы твару перададзеныя больш якасна за карцінкі ў Вікіпедыі. Эскіз я зрабіў па сучасных літоўскіх манетах, — расказвае Сяргей.

Павал гаворыць, што ўладальнік памяшкання ўспрыняў ідэю мурала вельмі прыязна. Неўзабаве гаспадар галерэі плануе задзейнічаць увесь дворык. У праекта ўжо і назва ёсць: арт-дворык «ZADVORAK».

— Так што сёння «ціхая» прэзентацыя. Калі стане цёпла, зробім прэзентацыю ў дворыку, — кажа Павал. — Хтосьці ўбачыў у мурале адбітак пальца, хтосьці — зрэз дрэва, хтосьці — усёбачнае вока. Атрымалася вельмі прышпільна. Я ўпэўнены, што гэта пачатак гісторыі.

Хрысціна Марчук, budzma.by

3
РРВ / Адказаць
03.01.2018 / 14:51
Сучасна!
4
Михалина / Адказаць
03.01.2018 / 14:59
В Литве есть монетный двор. И у нас мог бы быть. 
Тогда еще при Шушкевича Слабченко договорился с англичанами и они уже готовы были поставить нам оборудование и мы бы вылили свои монеты. Но народец выбрал сабе цара, а цар решил что будем печатать не талеры а зайцы. А народцу все равно за  что кильбасу пакупаць. А теперь гордыя наследники Вяликага княства в Летуве пабираются - там и печатают новыя капейки нескораных беларусау. 😖
6
Žvir / Адказаць
03.01.2018 / 15:31
Михалина,
Heta Vy žorstka pryklalisia, prajšlisia pa bielarusach. :)
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру