05.01.2018 / 18:36

«Як літара Ў Каляды ўратавала»: аншлаг на беларускамоўнай каляднай казцы ў Мінску ФОТЫ 7

У Маладзёжным тэатры эстрады 4 студзеня маленькім беларускамоўным гледачам была прадстаўлена калядная казка «Як літара Ў Каляды ўратавала». Калі коратка, то казка пра тое, што старажытныя духі беларускага сусвету спынілі час, каб Каляды і Новы год не надыйшлі. 

Але Яська і Янінка яшчэ могуць выправіць сітуацыю. Іх чакаюць прыгоды і выпрабаванні, падчас якіх яны мусяць сабраць чароўныя літары і скласці з іх чароўнае слова: «надышоў». Асабліва цяжка знайсці апошнюю — «Ў нескладовае».

Варта дадаць, што квіткі на паказы да новага года і два паказы пасля — былі раскупленыя цалкам. Казка «Як літара Ў уратавала Каляды» — гэта новы дзіцячы музычна-тэатральны праект музыкі і прадусара Рамана Арлова, вядомага па гуртах «J:МОРС», «У нескладовае», мюзікле «Чарадзей».

Дапамагчы групе энтузіястаў у стварэнні дзіцячай казкі для паказаў на пастаяннай аснове можна тут

Фота Сяргея Гудзіліна

1
Не з бугра / Адказаць
05.01.2018 / 18:44
Патрэбна і Ў , і мяккі знак вярнуць на належнае месца, а я б яшчэ і літару І з дзвума кропкамі ўвёў. Як чуецца, так пішацца. Вось і пісалі б. А гэткія сьпектаклі для дзяцей і дарослых, т як глыток паветра ў духаце..
 
6
Valadzimir / Адказаць
05.01.2018 / 22:55
Каму і навошта спатрэбілася на рэкламным плакаце і ў рэкламным роліке гэтага спектаклю для дзяцей у якасьці галоўнага вобраза выкарыстаць выяву ваўка-"трансгендэра"?? Маладзёжны тэатр трапіў пад крыло ліберастаў, ці гэта чыясьці ўласная вычварэнская ініцыятыва?
0
Алесь / Адказаць
06.01.2018 / 08:43
Схадзілі на казку. Адпачылі. Пакалядавалі. Патанчылі. Адпачылі душой і целам, як кажуць:) Чакаем на працяг! І нікога не слухайце! Хто шукае "самі ведаеце што" той заўсёды знойдзе!
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру