06.01.2018 / 09:00

Праваслаўныя рыхтуюцца да Раства, у католікаў святы сёння заканчваюцца 4

Праваслаўная грамада Беларусі рыхтуецца да святкавання Раства, святочныя службы пройдуць ва ўсіх храмах сёння і заўтра.

Святкаванне Раства пачыналi ўвечары 6 студзеня святочнай вячэрай, якая носiць назву «першай, поснай, беднай, галоднай» куццi (ад назвы рытуальнай стравы).

У хрысцiянскай традыцыi лiчыцца, што аб часе i месцы нараджэння Iсуса Хрыста валхвам паведамiла Вiфлеемская зорка, якая ўзышла на небасхiле з наступленнем цемры. Менавiта таму святочная вячэра пачыналася ўвечары са з’яўленнем першай зоркi i праходзiла ў строгiм маўчаннi.

Імкнуліся, каб усяго на стале было дванаццаць страў. Таксама стараліся сустракаць Раство не ў паўсядзённым адзеннi. Лiчылася, што гэта i надалей будзе правакаваць беднасць. Таму адзенне павiнна быць новым.

Рыма-каталіцкі свет адзначае сёння урачыстасць Аб’яўлення Пана, або Трох Каралёў — успамін аб падзеі, калі, ідучы за зоркай, каралі (мудрацы) прыбылі ў Бэтлеем (Віфлеем), шукаючы нованароджанага юдэйскага караля.

Мудрацы ахвяравалі нованароджанаму Дзіцяці свае дары: золата (сімвал каралеўскай годнасці), кадзіла (сімвал веры ў Езуса як праўдзівага Бога) і міру (сімвал спаўнення прароцтваў аб прыходзе Месіі).

Iмёны мудрацоў — Каспер, Мельхiёр i Бальтазар — у Святым Пісанні не згадваюцца, іх надала хрысціянская традыцыя. Да таго ж у Евангеллi яны называюцца не каралямi, а мудрацамi. 

У Вільні сёння, напрыклад, праходзіць прыгожае касцюмаванае шэсце Трох Каралёў, што бласлаўляюць на новы 2018 год.

У той жа час грэка-каталікі, або ўніяты, святкуюць Вадохрышча.

Гэта таксама заканчэнне Калядаў.

Розніца ў святкаванні складае 13 дзён з-за юліянскага календара. Пасхалія разлічваецца па-іншаму, і розніца ў Вялікадні ў 2018 г. складзе тыдзень: каталікі і пратэстанты адзначаць яго 1 красавіка, а праваслаўны свет — 8 красавіка.

1
Васіль / Адказаць
06.01.2018 / 14:46
Што за дзіўны загаловак? У католікаў заўтра вялікае сьвята - хрост Пана.
0
хамса / Адказаць
06.01.2018 / 14:51
Дызайнер-правазлаўны), а праўда, што: 'Накануне светлого праздника, а также во время 40-дневного поста нельзя вступать в интимную близость.'? то-та вы такі злы.. канечне - па паўгады сэксам не займацца - будзеш тут кідацца не толькі на мужчын, але на баршчэгеварак канечне)
0
Ingwar / Адказаць
06.01.2018 / 16:17
Васіль,  усё верна. У рыма- каталікоў Аб'яўленне Пана (Богоявление -рус.), ці Епіфанія,  ці Тры Каралі  - гэта апошні дзен калядных святаў, адпавядае Хросту (Крещению - рус.) Хрыста ў праваслаўных і ўніятаў  (13 дзень апасля Раства). Напрыклад, праваслаўныя новасцільныя грэкі, балгары і румыны сення, 6  студзеня, лезуць у ваду святкаваць Хрост, і тым самым завяршаюць калядны перыяд.

Хрост Пана ж ў Касцеле ніяк не звязан с Ражством (што верна, таму што Хрыстос хрыстіўся у 30 гадоў), ен  адзначаецца асобна аз Аб'яўлення Пана і заўсёды ў наступную нядзелю апасля яго (у гэтым годзе - заўтра, 7 студзеня).
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру