06.01.2018 / 23:30

А ці ўмееце заспяваць калядкі? Тэкст + музыка 5

Учора звячора

Учора звячора 
Засвяціла зора.

Зора засвяціла —
Свет узвесяліла.

Свет узвесяліўся:
Хрыстос нарадзіўся.

Хрыстова раджэнне
Людзям на збаўленне.

Людзі, выбягайце,
Хрыста прывітайце.

Хрыста прывітайце,
Нам каляду дайце.

Добры вечар табе, пане гаспадару

Добры вечар табе,
пане гаспадару.
Радуйся!

Ой, радуйся, земля,
Сын Божы
нарадзіўся!

Засцілайце столы,
усе, колькі маем.
Радуйся!

Дый кладзіце калачы
святое пшаніцы.
Радуйся!

Дый прыйшлі к нам жа
тры святы ў госці.
Радуйся!

Дый першае свята —
Хрыстова Раджэнне.
Радуйся!

А другое свята —
Святога Васіля.
Радуйся!

А трэцяе свята —
Святое Хрышчэнне.
Радуйся!

Нова радасць стала

Нова радасць стала,
Яка не бывала.
Над Віфлемам зорка ясна,
Светла засіяла.

Там Хрыстос радзіўся,
З Дзевы ўцелавіўся,
На нябесі і на землі
Нам дабраславіўся.

Ангелы спяваюць,
Ісуса вітаюць,
На нябесі і на землі
Мір правазглашаюць!

І мы заспявайма,
Хрыста праслаўляйма,
Нараджонага з Марыі
пакорна ўпрашайма.

Просім Цябе, Божа,
просім мы, як можам:
Дай нам ў небе жыццё шчасна,
на зямлі прыгожа.

Нова радасць стала,
Яка не бывала.
Над Віфлемам зорка ясна,
Светла засіяла.

Ціхая ноч

Ціхая ноч, святая ноч!
Усё спіць, сніць даўно.
Толькі Маці Святая уcцяж
Ціха ў яслях люляе Дзіця —
Спі, Сыночак малы,
Люлі-люлі, спі!

А угары усё гарыць
Серабром зорных крыг,
Хор анёлаў пяе пастухом
Аб Дзіцяці, што будзе Хрыстом,
Светлай песняй хвалы
Славяць Збаўцу зямлі.

Ціхая ноч, святая ноч,
Ў родны край завітай,
Людзям сум і тугу разгані,
Хай жа цешацца ў гэтыя дні,
У ціхую, святую ноч,
У ціхую, святую ноч!

Зора засвяціла

Учора звячора зора засвяцiла,
Новы год, новы, зора засвяцiла.

А Божая Мацi Сына нарадзiла,
Новы год, новы, Сына нарадзiла.

Сына нарадзiла, у пялёны спавiла,
Новы год, новы, у пялёны спавiла.

У пялёны спавiла, анёлам сказала,
Новы год, новы, анёлам сказала:

«Анёлы святыя, калышыце Сына,
Новы год, новы, калышыце Сына.

Калышыце Сына, пойце Яму песнi,
Новы год, новы, пойце Яму песнi.

Пойце Яму песнi, да ўсё i святыя,
Новы год, новы, да ўсё i святыя».

Усе людзi рады, усе весяляцца,
Новы год, новы, усе весяляцца.

На Божага Сына ўсё не наглядзяцца,
Новы год, новы, ўсё не наглядзяцца.

nn.by

0
Хуткая / Адказаць
07.01.2018 / 02:01
Мая ўлюбёная калядка - "на вашам двары дрэва стояла", Палац спявае. І сумная і радасная.
І хіба сапраўды старажытная.
0
Снег / Адказаць
07.01.2018 / 08:13
Дзякуй вялікі, цікавы матэрыял!
3
рубам / Адказаць
07.01.2018 / 10:18
Поскольку благодаря разным людям Христа заставляют рождаться дважды в году и дважды в году помирать и воскресать, так оставьте в покое хотя бы Коляды. Они никакого отношения к новозаветной истории не имеют! Потому что Коляды - это праздник на зимний солнцеповорот и существовал он многие-многие тысячи лет до появления Христа. А то, что папа Римский Либерий в 4 в. поставил на Коляды Рождество Христа, так при чем тут "колядки"? Тем более что солнце уже вот вторую неделю продолжает свой подъём к новой вершине года, когда будет уже Купало, а нам скажут церковники, что родился св. Иоанн.   
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру