З усіх сусветных пакупнікоў экспартаванай Нарвегіяй ў мінулым годзе стронгі (фарэлі), нашая краіна прапусціла наперад толькі Японію, паведамляе Нарвежская рада па морапрадуктах (NSC). На трэцім месцы за намі — ЗША.
Нягледзячы на ўвядзенне Расіяй санкцый супраць нарвежскіх рыбных прадуктаў, у мінулым годзе Нарвегія павялічыла экспарт ласосевых рыб на 3%, то бок на 27 тысяч тон, дасягнуўшы неверагоднага аднаго мільёна тон. А нарвежскі рыбны экспарт агулам павялічыўся на 7%.
«2017 год стаў яшчэ адным фантастычным годам для нарвежскіх экспарцёраў морапрадуктаў», — заявіла выканаўчая дырэктарка NSC Рэната Ларсэн.
Ферма ласося ў Нарвегіі.
Варта заўважыць, што ўдзел «дзікага» ласося ў нарвежскім экспарце складае зараз толькі 28%. 72% — гадаваная ў аквакультуры рыба.