09.01.2018 / 14:13

Як зменяць непрыгожы будынак на праспекце Дзяржынскага ў Мінску ФОТЫ як вам? 24

Шэры цагляны будынак, што месціцца адразу за могілкамі на праспекце Дзяржынскага непадалёк ад станцыі метро «Пятроўшчына», хутка атрымае новае жыццё.

Фота гэтае і далей — Zrobym architects

Архітэктурная студыя Zrobym architects падзялілася рэндарамі праекту па мадэрнізацыі будынка, які новы ўласнік вырашыў перакваліфікаваць у дзіцячы цэнтр. 

«Дзіцячы садок — гэта неад'емная частка жыцця кожнага дзіцяці. Там яму павінна быць цікава і займальна, — распавядаюць аўтары праекта. — У экстэр'еры гэтага дзіцячага садка мы паспрабавалі максімальна распрацаваць не толькі самі фасады, але і пляцоўку. Вялікі ўпор быў зроблены менавіта на гульнявую частку, каб малыя не толькі маглі пагуляць, але і развіваць мысленне і творчасць».

Нават самі фасады складаюцца з часткі гульнявое зоны: на сценах можна маляваць крэйдаю.

«Паколькі бюджэт быў мінімальным, мы выкарысталі недарагія, але крэатыўныя матэрыялы», — паведамляюць архітэктары.

Ілья Параскевіч

15
архітэктарка-інжынеўр дээльфінарыя / Адказаць
09.01.2018 / 14:27
(і чаму я некалі кветачкі малявала, а потым пачала адны квадрацікі чарціць?)
о, пазнаю тое самае лецішча) ну што ж - усё правільна - вырастуць правільнай калонай маршыруючыя па шырокіх прамых праспектах на працу, з працы да дому-панэлькі правільныя салдацікі-вінцікі сістэмы з квадратнымі, як целік галовамі
17
Ігнат / Адказаць
09.01.2018 / 14:33
Цудоўны гараж для дзетак-робатаў. Нагадвае адну з тых камфартабельных скандынаўскіх турмаў ці часовы прытулак для нелегальных афрыканскіх мігрантаў. Спадзяюся і мэблю таксама яны запраектуюць? Усё як трэба - квадратныя зэдлікі з бетону, сталы з трохкутнымі дзіркамі. Паболей вострых вуглоў, усё як мы любім. 
Гэты праект - вывад на іншую арбіту таго самага саўковага стылю. Ненатуральныя колеры, штучныя формы. Ані дрэўца, ані кусціка. Дзе дзецям ад сонца, ад дажджу схавацца? У гэтых ангарах? За што вокам зачапіцца? 
паглядзіце лепей, як у Германіі старую савецкую школу адрэстаўравалі:
http://www.fotocommunity.de/photo/hundertwasser-schule-hans-klamm/34592618 

13
Зялёнка / Адказаць
09.01.2018 / 14:42
А нічэво што там могілкі адразу за агароджай "бэбіцэнтра"? Чым уласнікі думаюць не зразумела? Сціплыя вясковыя могілкі ў засені дрэваў, а побач гэтае рыодэжанэйра.
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру