09.01.2018 / 19:50

Сыну Бяляцкага пагражае 2,5 года зняволення за правакатыўны перформанс у Асвенціме 187

У раённым судзе польскага Асвенціма працягваецца разгляд справы аб апаганьванні месца памяці. Абвінавачаных — 12 чалавек, у тым ліку 4 беларусы.

24 сакавіка 2017 года група з 12 чалавек правяла каля брамы былога нацысцкага канцлагера Аўшвіц «антываенны пратэст». Удзельнікі перформансу забілі ягня, павесілі на браму з надпісам «Arbeit Macht Frei» банер «Love», раздзеліся дагала і скаваліся наручнікамі.

Відэа перформансу спачатку было выстаўленае ў сацыяльныя сеткі, але пасля яго выдалілі.

Як паведамляе «Газета Кракоўска», пракурор запатрабаваў для шараговых удзельнікаў 1 год і 4 месяцы абмежавання свабоды, што ўяўляла б сабой 32 гадзіны сацыяльнай працы на месяц цягам гэтага часу.

А вось арганізатарам акцыі пагражаюць рэальныя тэрміны. Адаму Б. — 2 гады і 6 месяцаў зняволення, а Мікіту В. — 2 гады і 2 месяцы зняволення.

Адам Бяляцкі — студэнт Вышэйшай дзяржаўнай школы кінематографа, тэлебачання і тэатра ў Лодзі. Ён сын беларускага праваабаронцы Алеся Бяляцкага.

Ягоны сябар Мікіта Валадзько — навучэнец Вышэйшай тэатральнай школы ў Кракаве па спецыяльнасці «рэжысура». Ён іграў у «Свабодным тэатры», быў рэжысёрам творчай лабараторыі пры тэатры. 

Прысуд будзе агучаны 17 студзеня.

Браніслаў Юрэвіч

18
Satan / Адказаць
09.01.2018 / 13:19
Дурные нейкия... лепш пайшли бы у кабак, пива выпили.
24
Ігар / Адказаць
09.01.2018 / 13:21
Правільна зробяць, калі пакараюць.
19
Піпец / Адказаць
09.01.2018 / 13:22
Дурні. І не шкада такіх "творчых".
Паказаць усе каментары/ 187 /
Каб пакінуць каментар, калі ласка, актывуйце JavaScript у наладах свайго браўзеру