11.01.2018 / 10:18

Фігуранта «Справы патрыётаў» судзяць за знойдзены патрон 13

27 лістапада крымінальная справа «Белага легіёна» была канчаткова спыненая. Але на Андрэя Бяляўскага, мінскага мастака і дызайнера, у гэты дзень завялі яшчэ адну справу — за захоўванне зброі.

Андрэй Бяляўскі

Бяляўскі быў затрыманы 21 сакавіка, прасядзеў у СІЗА КДБ да 2 чэрвеня. Яго, як і астатніх фігурантаў справы патрыётаў, вінавацілі ў падрыхтоўцы да масавых беспарадкаў. А пры вобшуку ў Бяляўскага знайшлі боепрыпас — таму пасля спынення адной крымінальнай справы ён стаў фігурантам іншай. Цяпер Бяляўскаму пагражае да 7 гадоў пазбаўлення волі.

Раніцай 11 студзеня разгляд справы пачаўся ў судзе Ленінскага раёна Мінска. Суддзя - Марына Запаснік.

Андрэй Бяляўскі на судзе

Пасля таго, як пракурор зачытаў абвінавачванне, суддзя спытала ў Бяляўскага ці прызнае ён віну. Той адказаў, што віну прызнае цалкам. 

«Улетку 2013 года я набыў машыну «Джып Гранд Чэрокі» ў Рэчыцы. Патрон знайшоў праз некалькі тыдняў у аўтамабілі, пад заднім сядзеннем, — патлумачыў у паказаннях Бяляўскі. — Ну я і вырашыў пакінуць яго як сувенір. Я не ведаў, баявы той патрон ці не».

Па словах Бяляўскага, патрон ён закінуў у стол. Там той і ляжаў да сакавіка 2017 года — калі яго знайшлі пры вобшуку супрацоўнікі КДБ.

Увогуле, пасяджэнне ішло хутка. Выслухалі пракурора, самога Бяляўскага, разгледзелі пісьмовыя матэрыялы справы. Таксама ў якасці сведкі суд выклікаў маці Бяляўскага, але яна адмовілася ад дачы паказанняў.

Суддзя Запаснік прагартала характарыстыку на Бяляўскага ад участковага («характарызуецца задавальняюча, праблем не было»), адзначыла, што акрамя парушэнняў ПДР, праблем з законам у абвінавачанага не было: на ўліках ён не стаіць, судзімы не быў.

Усё заняло 30 хвілін. Пасля суддзя абвесціла перапынак - пасля абеду пачнуцца судовыя спрэчкі.

УШ

0
столінскі / Адказаць
11.01.2018 / 10:34
гэтыя заразы паспрабуюць адыграцца за гэты няшчасны патрон па поўнай.
17
Читатель / Адказаць
11.01.2018 / 10:51
Зная о "пристальном внимании" к себе хранить разнообразный компромат?

Нравится оружие - сделай охотбилет и купи себе дробовик или сайгу. У нас можно нарезки иметь в конце ствола определенной длины или ружье с овальной сверловкой по всему стволу. Даже сам патроны изготавливать можешь, в том числе и пулевые 12-го калибра. Для охотбилета+провозки оружия из РФ нужно немного денег, времени и сообразительности.

Да и зачем признавался? Обыск далеко не всегда проходит в полном соответствии с правилами. Например, нельзя, чтобы кто-то зашел в комнату без присутствия хозяина. Понятых часто берут как студентов юридических вузов (соседи в 6 утра не будут 2 часа торчать на квартире), что вызывает определенные вопросы. Видеосъемка всего одна камера.

Просто не держал на нем отпечатков пальцев и всё. Заявил бы, что сотрудник правоохранительных органов прятал в руке этот патрон и подкинул в ящик. Пускай потом докажут, что это ваш патрон.

И патрон хранить в ящике - это оставить ребенка с поврежденной кистью, если тот решит стукнуть молотком. Или разломает и потом грязными руками глаза потрет. Будет неделю воспаление минимум.

Так что в этом случае поддерживаю криминальное преследование. Просто в голове не укладывается, каким должен быть уровнем интеллекта, чтобы такое сделать.
0
хамер / Адказаць
11.01.2018 / 10:53
столінскі, не баіцеся. Французу ужо далі спагнанне. Калі гэтаму дадуць больш - запаляцца.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру