УЕФА апублікаваў расклад чарговага розыгрышу Лігі чэмпіёнаў, які пачнецца ў канцы чэрвеня 2018-га, а завершыцца ў маі 2019 года на мадрыдскім «Метрапалітэне». Чэмпіён Беларусі — барысаўскі БАТЭ — пачне турнір з першага раўнда кваліфікацыі, а не з другога, як раней.
Лёсаванне гэтай стадыі турніру адбудзецца 19 чэрвеня, а матчы — 10/11 і 17/18 ліпеня. У першым адборачным раўндзе возьмуць удзел 33 чэмпіёны краін, якія займаюць месцы ў табліцы каэфіцыентаў з 18-га па 51-е месца (акрамя Ліхтэнштайну), а таксама пераможца папярэдняга раўнду.
У другім да іх дададуцца каманды з 15-га па 17-е месца, у трэцім — 13-е і 14-е, у раўндзе плэй-оф — 11-е і 12-е.
Беларусь у табліцы каэфіцыентаў размяшчаецца на 25-й пазіцыі
0
0
0
0
0
0
