11.01.2018 / 11:17

Лукашэнка: Беларуска-расійская мяжа стала самай дзіўнай мяжой у Еўропе 56

Аляксандр Лукашэнка паставіў задачу на працягу 2018 года ўрэгуляваць рознагалоссі з расійскім бокам у пагранічнай сферы. Пра гэта ён заявіў сёння на нарадзе па лібералізацыі візавага рэжыму, піша БелТА.

president.gov.by

Кіраўнік дзяржавы адзначыў, што рацыянальныя і цалкам вытлумачальныя дзеянні Беларусі ў частцы лібералізацыі візавага рэжыму для замежнікаў выклікаюць насцярожанасць партнёра па Саюзнай дзяржаве.

«З лютага 2016 года беларуска-расійская мяжа набыла негалосны статус, як яе часта называюць у інтэрнэце і ўсюды, «самай дзіўнай мяжы ў Еўропе». З гэтага часу расійскі бок без афіцыйнага паведамлення пачаў ажыццяўляць паўнавартасны пашпартны кантроль у дачыненні да ўсіх асоб, якія едуць на аўтамабільным транспарце, а затым — на авія- і чыгуначным», — падкрэсліў Аляксандр Лукашэнка.

Кіраўнік краіны звярнуў увагу, што ўраду, Міністэрству замежных спраў і іншым зацікаўленым ведамствам неабходна вырашаць гэтае пытанне, не спіхваючы на кіраўніка дзяржавы. «Гэта не нармальна, калі паміж дзвюма братэрскімі дзяржавамі і народамі зноў аднаўляецца мяжа, якую мы з такой цяжкасцю здымалі больш за 20 гадоў таму. Не ведаю, каму гэта трэба», — сказаў ён.

Расійскі бок зыходзіць нібыта з меркаванняў бяспекі. «Але аб якой бяспецы можа быць гаворка, калі ў нас сумесныя спісы замежнікаў, якім забаронены ўезд на тэрыторыю Саюзнай дзяржавы. Ніхто не можа ўехаць, хто знаходзіцца ў гэтых спісах. Хто не знаходзіцца, мае права ўехаць, пакуль не трапіць у гэтыя спісы.

Таму ўсялякія адгаворкі і спасылкі на тое, што ў нас нібыта не тое тут робіцца, і таму ўводзіцца мяжа, няправільныя», — заявіў кіраўнік дзяржавы.

Больш за тое, звярнуў увагу Аляксандр Лукашэнка, паміж сілавымі ведамствамі Беларусі і Расіі наладжана вельмі канструктыўнае і сістэмнае супрацоўніцтва, яны праводзяць сотні сур'ёзных і эфектыўных сумесных аперацый. «Але трэба разумець і тое, што, калі Расія ўздымае гэтае пытанне, значыць, пэўныя асцярогі існуюць. Трэба з расіянамі весці на гэты конт дыялог. Але закрывацца адзін ад аднаго нельга, гэта будзе дрэнны прыклад.

Ні беларускі народ, ні расіяне гэта не падтрымаюць і не ацэняць», — перакананы ён.

Кіраўнік дзяржавы дадаў, што трэба прадметна абмеркаваць, якія рознагалоссі захоўваюцца з расейскім бокам, якія меры неабходна распачаць, каб іх ліквідаваць. «Паралельна трэба вырашаць і пытанні рэадмісіі, бо нелегалы едуць да нас у асноўным праз Расію — пра гэта сведчыць статыстыка, — канстатаваў Лукашэнка. — Гэтыя пытанні трэба вырашаць канструктыўна, за сталом перамоваў. На працягу 2018 года ўсе пытанні трэба зняць. І жыць нам годна, паказваючы прыклад усім у свеце, як могуць жыць дружалюбныя народы і дзяржавы».

6
непрыхвасьцень / Адказаць
11.01.2018 / 11:20
Действительно.. Это додуматься: убрать границу с такой, кхм, самобытной страной.. Белорусы -  единственные в Европе.. если не в мире.. такие.. 'одарённые'..
2
Мik / Адказаць
11.01.2018 / 11:22
Просчитался дорогой
3
обыватель / Адказаць
11.01.2018 / 11:31
Чем лучше пограничный контроль тем крепче дружба.
Паказаць усе каментары/ 56 /
Каб пакінуць каментар, калі ласка, актывуйце JavaScript у наладах свайго браўзеру