11.01.2018 / 14:14

«Удараў сякерай было не 8, а 3—4»: за забойства маладой мамы мінчука пасадзілі на 18 гадоў 13

Суд вынес прысуд мінчуку, які забіў сякерай Таццяну Курсевіч у той час, як у суседнім пакоі знаходзіўся сын жанчыны. Яўген Раздуеў сваю віну ў судзе прызнаў часткова, піша Tut.by.

— Хачу выбачыцца перад сваякамі Таццяны і сваімі. Прабачце мне. Я не хацеў гэтага, я хацеў быць з Таццянай. Не ведаю, што на мяне найшло. І удараў было не 8, а 3—4, — казаў у апошнім слове абвінавачаны.

Сёння, 11 студзеня, Мінскі гарадскі суд вынес прысуд па гучнай справе. Яўгена Раздуева прызналі вінаватым у забойстве з асаблівай жорсткасцю і прыгаварылі да 18 гадоў пазбаўлення волі ў калоніі ва ўмовах ўзмоцненага рэжыму.

Разгляд справы пачаўся ў кастрычніку 2016 года. Па версіі следчых, Яўген Раздуеў спачатку збіў Таццяну рукамі і нагамі, затым нанёс 8 удараў сякерай. Увесь гэты час у суседнім пакоі знаходзіўся маленькі сын маладой мамы, хлопчык нічога не чуў. Раніцай Раздуеў адвёз дзіця ў школу, затым паехаў да сябе на дачу ў 120 кіламетрах ад Мінска і закапаў цела. Яшчэ некаторы час ён перапісваўся ад яе імя з сябрамі і калегамі, але неўзабаве быў затрыманы. Ён некалькі дзён вадзіў следчую групу па лесе, спасылаючыся на тое, што не памятае, дзе дакладна закапаў труп. Праваахоўныя органы самі знайшлі забітую: Раздуеў закапаў цела ў хляве.

Падчас суда ён прызнаў віну часткова, казаў, што прычынай забойства стала яго рэўнасць. Пара пражыла разам ўсяго некалькі месяцаў, планавала купіць дом у вёсцы.

1
Так / Адказаць
11.01.2018 / 14:24
Падчас суда ён прызнаў віну часткова

Вот только за это он должен был получить 25, а не 18
15
а то ж / Адказаць
11.01.2018 / 14:43
каждый второй мужик - драчливый, а каждый десятый -садист
1
Ліцьвін / Адказаць
11.01.2018 / 14:49
Не 8, а 3,4, ну блін, гэта ж у корне мяняе ўсю справу, забіў, ну не 8 жа ўдараў, а ўся толькі 4, так трошачку забіў
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру