11.01.2018 / 14:37

Макей распавёў, якіх візавых змен варта чакаць беларусам 20

Пасля нарады ў Лукашэнкі міністр замежных спраў Уладзімір Макей распавёў пра тое, якіх візавых змен варта чакаць беларусам.

Па словах міністра, ужо сёлета могуць быць прыняты новыя крокі па лібералізацыі візавага рэжыму.

— Тая лінія на лібералізацыю візавага рэжыму, якая ў свой час была ўхвалена кіраўніком дзяржавы, у мэтах развіцця нашага турыстычнага, дзелавога патэнцыялу з'яўляецца правільнай. Было прынята рашэнне і далей рухацца акуратна ў гэтым кірунку, ствараць больш палегчаныя ўмовы для паездак замежных грамадзян у Беларусь, - паведаміў Уладзімір Макей.

Цяпер замежнікі з 80 краін могуць прылятаць у Мінск на пяць дзён без віз. А турысты, якія едуць у некаторыя раёны Брэсцкай і Гродзенскай абласцей, могуць заставацца ў Беларусі 10 дзён без візы.

Таксама кіраўнік МЗС разлічвае, што ў гэтым годзе Беларусь і Расія змогуць дамовіцца аб узаемным прызнанні візы.

- У бліжэйшы час тыя прапановы, якія мы атрымалі ад нашых расійскіх партнёраў, будуць прааналізаваныя, дапрацаваны, і мы дамо калегам, на наш погляд, добры салідны дакумент, які паслужыць асновай для далейшай работы па спрашчэнні візавага рэжыму ў цэлым, - заявіў Уладзімір Макей.

А вось наконт дамовы з ЕС аб лібералізацыі візавага рэжыму тэрміны пакуль не агучваюцца.

— Гэтыя пагадненні практычна знаходзяцца ў завяршальнай стадыі, але застаецца яшчэ некалькі палажэнняў, якія нам неабходна дадаткова абмеркаваць з нашымі еўрапейскімі партнёрамі.

Толькі пасля падпісання пагадненняў аб спрашчэнні візавага рэжыму і аб рэадмісіі беларусы змогуць разлічваць на патанненне шэнгенскай візы — 35 еўра замест 60.

Тым часам, паведаміў Макей, краіна вядзе перамовы з Кітаем аб спрашчэнні візавага рэжыму і «з шэрагам краінаў» - аб увядзенні бязвізавага рэжыму.

1
Z / Адказаць
11.01.2018 / 14:55
А вот в воюющей Украине за 3 года решили вопрос с  безвизом для граждан с практически всеми цивилизованными странами. И при этом их президент даже не заикался и не заикается о расширении своих полномочий до царских и тем более не перекраивает Конституцию под себя. Что мешало за 2 десятка лет добиться этого или как минимум сделать визы раза в 2 дешевле для граждан Беларуси? 
4
M113 / Адказаць
11.01.2018 / 14:57
А што з рэгістрацыяй турыстаў у мянтоўцы? Калі скончыцца гэты маразм?
0
Херяк / Адказаць
11.01.2018 / 15:04
Бла-бла-бла. Ўсим па пяцот.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру