Дональд Трамп на нарадзе ў Авальным кабінеце ужыў грубае і непрыстойнае слова ў дачыненні да бедных краін, з якіх у ЗША прыязджаюць імігранты, распавялі амерыканскім СМІ людзі, што прысутнічалі на пасяджэнні, паведамляе Бі-бі-сі.
Трамп назваў такія краіны, як Гаіці, Сальвадор і дзяржавы Афрыкі, словам shithole. «Навошта нам трэба, каб да нас прыязджалі ўсе гэтыя людзі з [гаў.яных] краін?» — цытавалі Трампа ўдзельнікі нарады, сярод якіх былі сябры кангрэса ад абедзвюх партый.
Белы дом не стаў адмаўляць, што такія словы былі сказаныя.
Па думцы Трампа, амерыканская іміграцыйная сістэма павінна аддаваць перавагу выхадцам з паспяховых краін — канкрэтна ў сувязі з гэтым ён згадаў Нарвегію (з прэм'ер-міністрам гэтай краіны амерыканскі прэзідэнт сустракаўся напярэдадні).
Цяпер чытаюць
Круты прызнаўся Лукашэнку, што акупнасць Беларусьфільма — 3%1
Каментары