Беларускамоўны панк-паэт Віктар Лупасін прыйшоў на адбор «Еўрабачання» з песняй пра юную чайку, і юную качку, і чалавека, які застрэліў іх з двухстволкі: «І болей яна не лятала!».
«Нос і сумленне даецца адзін толькі раз!» — хацеў бы я бачыць твары журы поп-конкурсу, калі яны гэта слухалі.
35-гадовы Віктар Лупасін, вядомы таксама пад псеўданімам Віктар Ываноў — паэт і музыкант.
Ён вучыўся на мехмаце БДУ. Разам з Віктарам Жыбулем быў заснавальнікам арт-панк-гурту «Засралі казарму».
Свае эпатажныя творы ён выконвае са сцэны, а друкуе пераважна ў альтэрнатыўным друку («Ё», «Вясковыя могілкі», «Хню», «Літаратурны квартал», «In Вільня veritas»).
Піша ён розныя прыколы, у тым ліку стварыў санетны цыкл «Аўтамабілі СССР».
0
0
0
0
0
0
