12.01.2018 / 16:23

«Рэгнумавец» Паўлавец прызнаўся, што атрымліваў грошы ад расійскага пасольства 58

Працягваецца суд над трымя «рэгнумаўцамі» Юрыем Паўлаўцом, Сяргеем Шыптэнкам і Дзмітрыем Алімкіным, якім інкрымінуецца распальванне варожасці і незаконная прадпрымальніцкая дзейнасць.

Рэпартажы з суда робіць расійскі рэсурс eadaily.com.

Звяртаюць на сябе ўвагу раней невядомыя дэталі: калі пачалі разбіраць электронную перапіску Паўлаўца, высветлілася, што ён перапісваўся з пасольствам Расіі ў Беларусі.

Адвакатка падсуднага пакпіла з гэтага: «Ці не спрыяе пасольства Расіі незаконнаму прадпрымальніцтву?» — спытала яна ў суддзі.

А вось як Паўлавец пракаментаваў гэтае супрацоўніцтва.

«Ён заявіў, што пісаў для сайта «Вместе с Россіей», які дзейнічае пад эгідай пасольства. Сайт некамерцыйны, але пасольства ўзяло на сябе абавязкі па грашовым узнагароджванні аўтараў», — цытуе Паўлаўца eadaily.com.

На пытанне, як ён атрымліваў грошы, Паўлавец сказаў, што гатоўкай: «Гэта вядомы факт, у тым ліку праваахоўным органам і КДБ», — сказаў Паўлавец.

Аб чым піша сайт пад патранажам расійскага пасольства?

У прыватнасці, там можна ў самых красамоўных фармулёўках прачытаць пра тое, як «спусцелую Латвію абжываюць дзікія жывёлы», як «бандэраўцы маглі б павучыцца ў беларускіх вучоных перад тым, які ісці на штурм Кіева», што «беларускія ўлады толькі русафобіяй не абмяжоўваюцца».

АЯ

5
цень макарона / Адказаць
12.01.2018 / 16:34
Цікавая пікчу-мачу атрымліваецца. Урад на давальскай нафце, на шыі народа, а гэтыя клапы у народзе, з бюджэту смокчуць, а і яшчэ наяўнымі, паміма нафтавых.
89
Дзядзька / Адказаць
12.01.2018 / 16:38
Ну и? Дали бы мне и я б с удовольствием получил от посольства РФ.
3
Ясь / Адказаць
12.01.2018 / 16:39
Амбасада Эрэфіі -- такое ўжо "пасольства", такое ўжо "пасольства" міру й выбудоўваньня дабразычлівых стасункаў між суседнімі дзяржавамі!.. Мдя-я-я...
Паказаць усе каментары/ 58 /
Каб пакінуць каментар, калі ласка, актывуйце JavaScript у наладах свайго браўзеру