12.01.2018 / 19:12

Лукашэнка: Жыццё ў нас не прыўкраснае і нават не добрае 46

Аляксандр Лукашэнка сёння правёў традыцыйны прыём на стары Новы год, паведамляе яго прэс-служба.

president.gov.by

Цяперашняе пакаленне беларусаў жыве ў вельмі няпросты час. Кажучы пра тое, як развіваецца Беларусь, пра яе становішча ў хутказменлівым свеце Лукашэнка адзначыў, што ў нас няма ніякай магчымасці адгарадзіцца ад негатыўных працэсаў. «Трэба ўмець ім супрацьстаяць, — падкрэсліў кіраўнік дзяржавы.

— Мы павінны навучыцца жыць у гэтым свеце, дзе трэба прыстасоўвацца, але ні ў якім разе не страціць сваю ідэнтычнасць, карані, ад якіх расце наша беларуская нацыя».

Закранаючы перспектывы, Лукашэнка адкрыта і без усялякага папулізму адзначыў, што лёгка не будзе.

«І нават, напэўна, лягчэй не будзе, чым у мінулым, 2017-м або ў былыя гады. Але мы паставілі перад сабой амбіцыйныя задачы, і, чаго б гэта нам ні каштавала, мы павінны дасягнуць гэтых рубяжоў. Калі мы не будзем рабіць гэтага з году ў год, дні нашай беларускай дзяржаўнасці будуць злічаныя», — сказаў Аляксандр Лукашэнка.

Як будзе развівацца краіна і якой ёй быць у будучыні, залежыць ад кожнага грамадзяніна. «Жыццё ў нас не прыўкраснае і нават не добрае. Пакуль мы жывем цярпіма», — сказаў Аляксандр Лукашэнка. Паводле слоў кіраўніка краіны, у Беларусі разлічваюць на паляпшэнне сітуацыі.

Закранаючы стаўленне да поспехаў краіны як унутры яе, так і за мяжой, кіраўнік дзяржавы нагадаў крылаты выраз:

«Сумна, калі ў вас няма сяброў. А яшчэ больш сумна, калі няма ворагаў». «Напэўна, і тое, і іншае ў нас ёсць. Значыць, мы яшчэ маем некаторыя перспектывы», — дадаў ён.

1
Вава Коленкина / Адказаць
12.01.2018 / 19:33
Живём так терпимо, что уже терпелка кончились!
4
мышка (наруш:ька) бежала хвостиком махнула / Адказаць
12.01.2018 / 19:40
дык сыходзь (кажуць жа даўно табе), раз яно ў цябе не прыўкраснае і нават не добрае
1
хамса / Адказаць
12.01.2018 / 19:41
але як ён.. усім тыкае, а пра сябе: мы.. у нас
Паказаць усе каментары/ 46 /
Каб пакінуць каментар, калі ласка, актывуйце JavaScript у наладах свайго браўзеру