16.01.2018 / 14:14

Дзякуючы грамадскасці, знішчэнне старога млына ў Нарушаўцах удалося спыніць ФОТА 22

Пра гэта паведаміў НН краязнаўца і дырэктар фонду «Краіна замкаў» Алесь Варыкіш. 

Пра тое, што ў вёсцы Нарушаўцы Ашмянскага раёна разбіраюць на дровы млын ХІХ—ХХ стагоддзя, стала вядома 15 студзеня. 

«Я разумею: статуса ахоўнага не мае.

Але пазваніў старшыню СВК «Гальшанскі» Мікалаю Праўко, прапанаваў розныя варыянты: ці выкупіць аб'ект як дровы, ці падпісаць дамову з імі аб даглядзе аб'екта, ці купіць ім дровы. Любы варыянт. У адказ было: «Не дуры мне галавы», — пісаў Алесь Варыкіш.

«Які помнік? Там аварыйнае ўсё, абваліцца. Ён у нас на балансе, не трэба ён нам», — каментаваў карэспандэнту НН сітуацыю старшыня СВК «Гальшанскі» Мікалай Праўко.

Пасля таго, як пра гэтую сітуацыю напісалі практычна ўсе незалежныя СМІ, старшыня змяніў меркаванне.

«Сёння былі ў яго, гаварылі з юрыстам, — расказаў Алесь Варыкіш. — Як будынак мы выкупіць гэта не можам, бо ён зняты з балансу, напісаны знос 100%.

Перададуць нам ці як дровы, ці яшчэ як. Яны паспелі зняць шыфер са страхі, пакуль удалося спыніць разборку. Сцены будынка стаяць».

Якія ў «Краіны замкаў» планы на будынак?

«Першы крок — закансерваваць яго, замяніць папсаваныя часам элементы. Другі — аднаўленне і афармленне. Да млына выявіў цікавасць малады архітэктар, дысертацыя якога прысвечаная якраз будынкам млыноў. Ён паглядзеў элементы механізмаў, якія там засталіся, выявіў, чаго не стае. Мае зрабіць праект з тым, каб аднавіць млын у функцыянальным стане».

Млын быў часткай фальварку Зацішак. Захаваўся і сядзібны дом — за савецкім часам яго перавезлі ў Ашмяны. Дом можна абмерыць, каб зрабіць дакладную копію на тэрыторыі фальварка.

Інтарэс Варыкіша ў тым, што Нарушаўцы — за тры кіламетры ад вёскі Родзевічы, дзе «Краіна замкаў» стварыла Парк мініяцюр замкаў і храмаў ВКЛ. «Турыстам, якія да нас туды прыязджаюць, не зашкодзіць дадатковая атракцыя, — кажа Алесь. — Такой атракцыяй мы і плануем зрабіць фальварак Зацішак з сядзібным домам і дзейным млыном».

Гэта значыць, стары будынак займеў перспектыву пачаць новае асэнсаванае жыццё. А мог бы згарэць за зіму ў качагарцы.

СМ

84
флаг в руки / Адказаць
16.01.2018 / 14:25
Вот пусть эта "грамадскасць" за свои деньги с этим млыном и делает что хочет. с бюджета деньги нужны на более насущные проблемы. которые касаются людей.  а не развалившегося млына. который не представляет никакой архитектурной ценности или исторической. Такие млыны в Европе ничем ценным не считаются. 
6
? / Адказаць
16.01.2018 / 14:40
Достаточно типичная постройка для Беларуси. когда первый этаж. где какие-то хозяйственные помещения, кладка из булыжника. а сверху деревянный сруб. что встречается во многим местах. есть даже сохранившиеся склепы ( отдельное помещение для хранения продуктов). которые выложены булыжником. засыпаны землей или в каком-то холме вырыты. которые имели массивные двери. с кованными петлями и замками. Это все может быть представлено в экспозиции музея этнографического под открытым небом. где собирают разные дома. разной застройки и планировки. где почему-то в большинстве своем какие-то маленькие хатки бедных крестьян и нет домов с первым хозяйственным этажом из булыжника. которые были у более зажиточных владельцев земли. 
2
? / Адказаць
16.01.2018 / 15:40
Чаму па спасылке выдае- 404 такой старонкі не існуе?
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру