ВУП Беларусі ў 2017 годзе вырас на 2,4%. Пра гэта паведаміў сёння прэм'ер-міністр Андрэй Кабякоў на пасяджэнні прэзідыума Савета міністраў, дзе разглядаецца пытанне аб мерах па рэалізацыі задач сацыяльна-эканамічнага развіцця Беларусі і чаканых выніках работы эканомікі ў студзені і I квартале 2018 года, перадае карэспандэнт БелТА.
Андрэй Кабякоў канстатаваў, што 2017 год скончыўся з тэмпам росту ВУП 102,4% пры прагнозе 101,7%. Тым самым забяспечаны выхад на прадугледжаныя пяцігадовай праграмай параметры росту эканомікі і кампенсавана адставанне 2016 года.
Кіраўніком дзяржавы зацверджаны прагнозныя параметры на 2018 год, для іх развіцця прыняты адпаведныя пастановы ўрада, дзе сфарміравана матрыца ключавых паказчыкаў усёй вертыкалі, адзначыў прэм'ер-міністр. «Галоўныя задачы збалансаванага росту эканомікі — нарошчванне і дыверсіфікацыя экспарту, прыцягненне інвестыцый, стварэнне новых працоўных месцаў у першую чаргу ў сектары малога і сярэдняга бізнесу», — падкрэсліў Андрэй Кабякоў. Для гэтага неабходна разгарнуць поўнамаштабную працу па рэалізацыі прынятых Лукашэнкам рашэнняў па лібералізацыі ўмоў вядзення бізнэсу.
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў1
Каментары