Кіеўскі нацыянальны ўніверсітэт імя Тараса Шаўчэнкі адмяніў заняткі да вясны. Прычына — адсутнасць сродкаў для аплаты за цяпло і электраэнергію.
Пра гэта УНІАН паведаміў эксперт па энергетыцы Андрэй Герус.
«Фармальна — гэта называецца «дыстанцыйнае навучанне». Але ўсе разумеюць, што ні методыкі дыстанцыйнага навучання, ні кваліфікацыі для дыстанцыйнага навучання ў нас няма. Ну чытайце кнігі, рашайце задачы. У студэнтаў свае планы: крыху адпачыць, трохі падзарабіць», — сказаў Герус.
Гэтую інфармацыю пацвердзіў студэнт універсітэта. Паводле яго слоў, іх перавялі ў рэжым дыстанцыйнага навучання, але да гэтага часу яны не атрымалі рэкамендацый і настаўленняў ад выкладчыкаў.
Раней паведамлялася пра адмену заняткаў у адэскіх ВНУ праз адсутнасць ацяплення.
