17.01.2018 / 14:58

Марзалюк: Пераемнікам ідэй Усебеларускага з'езда быў Белнацкам 32

Ад пачатку 1918 года ў беларускім руху існавалі і сапернічалі дзве плыні — «белнацкамаўцы» і «бэнээраўцы».

Аб гэтым паведаміў старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу, член-карэспандэнт НАН Беларусі, доктар гістарычных навук Ігар Марзалюк падчас круглага стала «1918-ы для Нашай дзяржаўнасці: набыткі і страты», які прайшоў у рэдакцыі газеты «Звязда».

«Нельга толькі стваральнікаў БНР лічыць правапераемнікамі ідэй 1-га Усебеларускага з'езда. Больш таго, дэмакратычнага мандата і легітымнай правапераемнасці з Усебеларускім з'ездам Рада БНР насамрэч не мела, бо Усебеларускі з'езд ніколі патрабаванняў незалежнасці не агучваў. Легітымным пераемнікам і прадаўжальнікам ідэй Усебеларускага з'езда быў Белнацкам. Так, з'езд разагналі бальшавікі Заходняга фронту, бо не жадалі дзяліцца ўладай з прадстаўнікамі беларускага народу. Але ж з'езд здолеў адбыцца і быць такім прадстаўнічым менавіта таму, што бальшавіцкае цэнтральнае кіраўніцтва, а дакладней — асабіста Ленін і Сталін, падтрымала яго правядзенне» — заявіў дэпутат.

Ён нагадаў, што дэлегаты прынялі рэзалюцыю, у якой прызнаюць Савецкую ўладу.

«Дэлегаты прынялі рашэнне аб усталяванні ў Беларусі рэспубліканскага ладу, прызнавалі цэнтральны ўрад і не прызнавалі Аблвыкамзах як структуру франтавога паходжання. Разгон з'езду быў самавольствам Мяснікова, Кнорына і Ландэра» — падкрэсліў Ігар Марзалюк. — Іх пазіцыю рэзка раскрытыкавалі ў Петраградзе, запатрабавалі правесці новы з'езд. Натуральна, што крытыка гэтая зыходзіла з падачы тых беларускіх дзеячаў, якія самі былі ўдзельнікамі Усебеларускага з'езда. У Народным камісарыяце па справах нацыянальнасцяў, якім кіраваў Сталін, 31 студзеня 1918 года, паводле дэкрэта Леніна, стварылі ў Петраградзе Беларускі нацыянальны камісарыят.

Менавіта гэты орган адыграў выключную ролю ў стварэнні беларускай савецкай дзяржаўнасці».

Такім чынам, па словах прафесара, ад пачатку 1918 года ў беларускім руху існавалі і сапернічалі дзве плыні — «белнацкамаўцы» і «бэнээраўцы».

«Кожная з гэтых плыняў адмаўляла іншую, абвінавачваючы ў здрадзе беларускай справе і беларускаму народу.

Аб'ектыўна ж — і тыя, і другія працавалі на карысць Беларусі, імкнуліся да стварэння беларускай дзяржаўнасці.

Дарэчы, і тыя, і другія былі прадстаўнікамі розных партый сацыялістычнага кірунку» — заявіў Ігар Марзалюк.

3
LMI / Адказаць
17.01.2018 / 15:15
КамунаруССкае нутро так і лезе на паверхню. Глядзі доктар гістарычных навук - не перастарайся ў памкненьняў
2
МММ / Адказаць
17.01.2018 / 15:17
Дарэчы, і тыя, і другія былі прадстаўнікамі розных партый сацыялістычнага кірунку» — заявіў Ігар Марзалюк.

все правильно. Тогда все были левыми - Пилсудский, УНР, БНР... Тренд такой было. Но в этом то и прикол. Ватники россейские и западнорусские, они обычно монархисты - "за веру, царя и отечество". И в методичках им написали, что и БССР и БНР создавались социалисто-коммунистами в блоке с националистами, поэтому это все плохо. Они отвергают любую форму беларуской государственности, им вторят некоторые наши "полезные идиоты".
5
Алесь Беларус / Адказаць
17.01.2018 / 15:24
Марыянеткi створаныя па загаду у́ петраградзе не роу́ня БНР
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру