17.01.2018 / 15:36

У Талачынскім раёне фургон парывам ветру знесла на сустрэчную паласу ФОТАФАКТ 1

У Талачынскім раёне парывам ветру знесла грузавы фургон «Рэно» на сустрэчную паласу, адбылося ДТЗ, паведаміў БелТА начальнік аддзялення агітацыі і прапаганды ДАІ УУС Віцебскага аблвыканкама Аляксандр Казючыц.

Аварыя з удзелам аўтамабіляў «Рэно Майстар» і легкавушкі «Фальксваген Пасат» адбылася сёння каля 12.00 на 549-м км аўтадарогі М1. Паводле папярэдняй інфармацыі, пры ўздыме ў горку «Рэно», якім кіраваў мужчына 1988 года нараджэння, моцным парывам ветру пачало зносіць убок. Шафёр не справіўся з кіраваннем, і машыну выкінула на сустрэчную, дзе ў гэты момант рухаўся «Фальксваген Пасат», якім кіраваў вадзіцель 1976 года нараджэння.

У выніку ДТЗ пацярпеў кіроўца легкавога аўтамабіля, з траўмамі мужчына шпіталізаваны.

Адным з фактараў, якія справакавалі аварыю, сталі летнія шыны з адсутным пратэктарам на пярэдняй восі «Рэно».

0
Iгарок / Адказаць
18.01.2018 / 18:24
пасацiк вельмi шкада
Каб пакінуць каментар, калі ласка, актывуйце JavaScript у наладах свайго браўзеру