17.01.2018 / 17:46

На адкрыцці зімовай Алімпіяды каманды абедзвюх Карэяў пройдуць пад адзіным сцягам 17

Прадстаўнікі Рэспублікі Карэя і КНДР пройдуць на цырымоніі адкрыцця зімовых Алімпійскіх гульняў у Пхёнчхане пад адзіным сцягам. Адпаведная дамоўленасць была дасягнута сёння па выніках міжкарэйскіх перамоваў на працоўным узроўні ў памежным пункце Пханмунджом, паведамляе агенцтва Рэнхап.

Сцяг, пад якім пойдуць спартоўцы, не належыць аніводнай з дзвюх карэйскіх дзяржаў, якія дагэтуль фармальна не падпісалі мірнага трактату пасля заканчэння Карэйскай вайны. Як чакаецца, ён будзе белага колеру з блакітным контурам усяго Карэйскага паўвострава.

Акрамя таго, бакі дасягнулі пагаднення аб сфармаванні аб'яднанай жаночай хакейнай каманды, якая выступіць на зімовых Алімпійскіх гульнях. У адпаведнасці з сумеснай заявай, КНДР адправіць на зімовую Алімпіяду ў Пхёнчхане групу падтрымкі з 230 чалавек і дэманстрацыйную каманду спартсменаў па тхэквандо ў складзе 30 атлетаў.

0
хамса / Адказаць
17.01.2018 / 17:52
О спорт, ты - мир!
4
Кропкабай / Адказаць
17.01.2018 / 17:53
Пад адзіным сцягам якой краіны? Мо алімпійскім?
2
ten / Адказаць
17.01.2018 / 18:07
Хотя бы описание или фото этого флага написали
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру