18.01.2018 / 09:24

Беларускі кавер на «We Will Rock You» ў кладоўцы з закаткамі ВІДЭА 4

Праграма «Вяскоўцы» тэлеканала «Белсат» зноў апынулася ў віры падзеяў, а вядоўца Віктар Шукеловіч трапіў у вёсцы Вугляны Смаргонскага раёну ў багатую камору, дзе захоўваецца амаль тысяча слоікаў з разнастайнымі смакоццямі.

Вядоўца завітаў у госці да цудоўных людзей, якія трактуюць бацькоўскую хату як своеасаблівы помнік мінулым пакаленням. Сям'я аказалася міжнароднай, бо адна з нявестак паходзіць з Расеі, а другая нарадзілася ва Украіне. Адна з нявестак распавяла гісторыю, якая адбылася на самым пачатку ейнага побыту ў Беларусі, калі яна мела цяжкасці з беларускай мовай. Бабуля папрасіла ў яе «кілю цукру», а маладая дзяўчына хацела пачаставаць яе «кількай». Што з гэтага атрымалася — распавядуць толькі «Вяскоўцы»!

У Вуглянах Віктар не толькі ласаваўся разнастайнымі прысмакамі, але і сам варыў грыбны суп, разгадваў чарговыя загадкі ды шукаў скарбы на гарышчы. Каб не было сумна, Віктар выканаў на рэчах, якія трапіліся пад руку, кампазіцыю гурта «Queen» — «We Will Rock You», праўда, адмыслова прысвяціў яе менавіта вяскоўцам.

Праграма «Вяскоўцы» выходзіць на «Белсаце» штосераду а 18:25.

1
Гаспадыня / Адказаць
18.01.2018 / 10:08
Вялікі дзякуй за перадачу. Цудоўная вясёлая сям'я. І вядучы з гумарам і вельмі далікатны. Паднялі настрой!
0
Ок / Адказаць
18.01.2018 / 13:04
Шчымлівыя кадры: жыхары апусцелай вёскі вітаюць маладога святара ВІДЭА Калядным часам праграма «Вяскоўцы» тэлеканала «Белсат» завітала ў Гарадзенскую вобласць. Тут вядоўца Віктар Шукеловіч разам з жыхарамі невялічкай вёскі Вугляны з хлебам і соллю сустракаў маладога святара.." Першая частка. https://m.nn.by/articles/203085/
0
МатрУна / Адказаць
18.01.2018 / 13:50
люблю перадачу "Вяскоуцы" . И яе вядучы - супер !!!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру