18.01.2018 / 09:31

Пераможцу Мінскага паўмарафону дыскваліфікавалі за допінг 2

Беларускую лёгкаатлетку Людмілу Ляховіч (дзявочае прозвішча Каваленка) дыскваліфікавалі за парушэнне антыдопінгавых правілаў. Пра гэта паведамляе Еўрарадыё са спасылкай на сайт Беларускай федэрацыі лёгкай атлетыкі. 

Паведамляецца, што спартоўка парушыла антыдопінгавыя правілы з 11 снежня 2010 года да 11 красавіка 2014 года (абнармальныя паказчыкі біялагічнага пашпарта).

Дыскваліфікацыю вынесла дысцыплінарная камісія БФЛА. Яна будзе дзейнічаць два гады — з 31 кастрычніка 2017 года па 30 кастрычніка 2019 года. Таксама скасоўваюцца вынікі выступаў Ляховіч з 27 чэрвеня 2012 года па 10 красавіка 2016-га.

Дарэчы, да 2014 года Ляховіч выступала за Украіну. Прадстаўляць Беларусь яна атрымала права ў 2017 годзе. У складзе нацыянальнай зборнай яна заваявала залаты медаль у камандным заліку Кубка Еўропы ў бегу на 10 000 метраў. Таксама спартоўка была пераможцай Мінскага паўмарафона ў 2017 годзе

0
lazy-bones / Адказаць
18.01.2018 / 09:44
хітро - каб до олімпіяди пасьпєла...
0
Александр / Адказаць
18.01.2018 / 13:56
ТЩЕСЛАВИЕ - ВОТ, ТОТ КОРЕНЬ ИЗ КОТОРОГО ПРОИЗРАСТАЮТ ВСЕ ТЯЖКИЕ, ПОРОЙ НЕИЗЛЕЧИМЫЕ ХВОРИ ЧЕЛОВЕЧЕСТВА.
Каб пакінуць каментар, калі ласка, актывуйце JavaScript у наладах свайго браўзеру