19.01.2018 / 13:43

Цыклон «Фрыдэрыка» паваліў у Польшчы тысячы дрэваў

PAP/Marek Kliński

Пажарныя службы атрымалі больш за 700 выклікаў у сувязі з моцным ветрам і снегападам, якія прынёс цыклон «Фрыдэрыка». Выклікі тычыліся, у асноўным, сотняў паваленых ветрам дрэў. Два чалавекі атрымалі лёгкія раненні ў выніку аварыі аўтобуса ў Вялікапольскім ваяводстве, паведамляе Польскае радыё.

Прэс-сакратар Дзяржаўнай пажарнай службы Павал Фронтчак паведаміў, што ад непагадзі сур'ёзней за ўсё пацярпелі Ніжнесылескае, Заходнепаморскае, Вялікапольскае, Сылескае і Любуское ваяводства.

«Моцны вецер пашкодзіў 65 будынкаў, сярод якіх - 45 жылых дамоў. Адно з сур'ёзных здарэнняў адбылося ў Сілезіі, калі вецер сарваў дах з дома у якім пражываюць 15 сем'яў. Некалькі гадзін пажарныя замацоўвалі дах», — распавёў Фронтчак.

Каб пакінуць каментар, калі ласка, актывуйце JavaScript у наладах свайго браўзеру