19.01.2018 / 16:50

На ВІДЭА паказалі раней сакрэтную аперацыйную сістэму новага пакалення, якая, імаверна, заменіць Android 3

У самым пачатку 2018 года амерыканская карпарацыя Google дазволіла распрацоўшчыкам пачаць тэставанне новай аперацыйнай сістэмы Fuchsia, што раней распрацоўвалася сакрэтна. І вось, з'явілася першае відэа, на якім паказваецца сама сістэма, усталяваная на ноўтбук Pixelbook, і яе асноўныя працоўныя аспекты.

Google пакуль афіцыйна не выпускае сваю трэцюю аперацыйную сістэму, бо яна яшчэ вельмі недапрацаваная.

Але калі Fuchsia будзе афіцыйна прадстаўлена, яна, ну думку многіх аналітыкаў, «заб'е» Android і Chrome OS, прапанаваўшы карыстальнікам адзіную платформу для мабільных і настольных прылад, бо менавіта функцыяналу не хапае ў сучасных мабільных АС.

Васьміхвіліннае відэа, апублікаванае парталам arstechnica.com, паказвае Fuchsia на ноўтбуку Pixelbook ад Google. Хоць Fuchsia пакуль пасуе толькі для дэманстрацыі ідэй Google адносна будучыні аперацыйных сістэм, некаторыя рашэнні выглядаюць вельмі карыснымі. 

На відэа можна ўбачыць розныя рэжымы працы Fuchsia на смартфоне, планшэце і ноўтбуку. Акрамя таго, дэманструецца шматзадачны інтэрфейс, а таксама розныя паралельныя экранныя рэжымы для дадаткаў. Fuchsia, дарэчы, з'яўляецца першай АС, пабудаванай на ўласным ядры Google з выкарыстаннем уласнае мовы праграмавання.

Аб новай аперацыйнай сістэме стала вядома ў жніўні 2016 года. Google па-ранейшаму не раскрывае яе дэталі і мэту, але вырашыла зрабіць Fuchsia адкрытай для іншых распрацоўнікаў.

Чытайце таксама: Google дазволіла тэставаць новую аперацыйную сістэму, якая можа замяніць Android

Ілья Параскевіч

0
Воля / Адказаць
19.01.2018 / 21:14
Так, даўно ўжо трэба мяняць нешта. Хочацца каб планшэты маглі быць больш карыснымі, а ноўтбукі былі больш мінімалістычнымі, не губляючы функцыянальнасці пры гэтым. Паколькі мы прыйшлі ў тупік, думаю варта чакаць пэўнай рэвалюцыі бліжэйшымі гадамі
5
Василь / Адказаць
20.01.2018 / 10:59
Есть же какая-то теория, которая говорит что револиция в технологиях раз в 10 лет происходит. Андроид появился в 2008 году. Вот, как раз время пришло... правда обидно будет, если революцию совершит не Эппл, а Гугл.
2
Ганна / Адказаць
20.01.2018 / 11:02
Слухайце, а гэты піксельбук стільненькі такі) выглядае пасвяжэй за стары Эйр, толькі таўставаты крыху.
Каб пакінуць каментар, калі ласка, актывуйце JavaScript у наладах свайго браўзеру