Актывіста, які стварыў сайт-маніторынг пустых абяцанняў чыноўнікаў, звольнілі з працы
На днях у Беларусі запрацаваў сайт promise.by, які ў зручнай форме дапамагае сачыць за выкананнем абяцанняў чыноўнікаў і іншых медыйных асоб.
Стварыў яго былы браславец Павел Савіцкі. Павел працаваў у дзяржаўнай установе ў Мінску і адразу пасля таго, як інфармацыя пра яго праект з’явілася ў СМІ, кіраўніцтва папрасіла яго звольніцца па пагадненні бакоў.
Але хлопец з гэтай нагоды не асабліва засмуціўся: усё роўна хацеў мяняць працу. З сённяшняга дня ён у пошуках новага месца. Свой сайт хлопец плануе развіваць і далей.
«Я не лічу гэта нейкай трагедыяй. Кіраўніцтва нічога асабліва не тлумачыла, проста паразмаўлялі, сказалі, што я зрабіў непрыгожа адносна іх. Прапанавалі звольніцца. Я ўсё роўна хацеў цягам года адтуль сысці, таму адразу падпісаў заяву на звальненне. Новую працу хацелася б знайсці ў IT-сферы», — пракаментаваў «НН» Павел.
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары