19.01.2018 / 23:48

Як выратаваць Кастрычніцкую плошчу ў Мінску? Канцэпт маладых архітэктараў уражвае ФОТА 94

Маладыя архітэктары з майстэрні Level 80 Architects, зыходзячы з канцэпцыі гістарычнай забудовы раёну сёняшняй Кастрычніцкай плошчы ў Мінску, прапанавалі ўражваючы канцэпт выратавання прасторавай сіметрыі гэтага кавалка сталіцы.

ГЛЯДЗЕЦЬ З АНІМАЦЫЯЙ НА САЙЦЕ МАЙСТЭРНІ

Калісьці на месцы сённяшняй плошчы была забудова, што складалася з камяніцаў, знішчаных падчас Другой сусветнай. Архітэктары прапануюць часткова аднавіць даваенную структуру вуліц і збалансаваць выгляд абодвух бакоў плошчы, ураўнаважыўшы іх.

На дадзены момант гарадскія ўлады схіляюцца да пабудовы ў гэтым месцы псеўдакласіцыстычнага будынку, які намагаецца пераасэнсаваць выгляд суседняга Палацу прафсаюзаў у стылі «сталінскі ампір 21 стагоддзя». Гэты праект — на думку архітэктараў Level 80 — занадта эклектычны.

І таму яны прапануюць тры варыянты альтэрнатыўнай забудовы: кансерватыўны, прагрэсіўны і дынамічны. А таксама запрашаюць ўсіх неабыякавых выказвацца і дзейнічаць, каб выратаваць архітэктурны ансамбль шматпакутнай Кастрычніцкай плошчы.

Кансерватыўны канцэпт. Графіка Level 80 Architects

Прагрэсіўны канцэпт. Графіка Level 80 Architects

Дынамічны канцэпт. Графіка Level 80 Architects

А як вам? Выказвайцеся ў каментах.

А гэта аналітычныя схемы прасторы, распрацаваныя архітэктарам-рэстаўратарам Навукова-праектнага цэнтра «Restabilis» Раманам Забела. Прапанова рэгенерацыі (ўліку) гістарычных вуліц таксама належыць яму.

nn.by

11
Саша / Адказаць
20.01.2018 / 00:02
Прагрэсiуны канцэпт - вельмi крута, але, нажаль, не для гэтай краiны
23
Касінер / Адказаць
20.01.2018 / 00:14
Ай, абое рабое. 
Ну амаль...
2
Alex / Адказаць
20.01.2018 / 00:25
Нічога з паказанага. Я бы аднаваіў Юр'еўскую вуліцу, якая на верхняй схеме ідзе якраз па сярэдзіне.
Паказаць усе каментары/ 94 /
Каб пакінуць каментар, калі ласка, актывуйце JavaScript у наладах свайго браўзеру