20.01.2018 / 08:48

Казахстан прапанаваў перанесці перамовы наконт Данбаса з Мінска ў Астану 31

Астана можа стаць новай пляцоўкай для перамоваў па Данбасе, заявіў сталы прадстаўнік Казахстана ў ААН Кайрат Умараў.

Паводле яго слоў, пытанне аб пераносе пляцоўкі закраналася на сустрэчы прэзідэнта Казахстана Нурсултана Назарбаева і прэзідэнта ЗША Дональда Трампа, бо мінскі працэс спыніўся. «Магчыма, трэба пачаць нанова, гэта можна зрабіць у Астане або ў любым іншым месцы, якое будзе камфортным для ўдзельнікаў», — сказаў Умараў.

Ён дадаў, што гэта трэба, каб «выйсці з тупіка». Умараў адзначыў, што пытанне пераносу перамоваў у Астану залежыць ад згоды ўдзельнікаў.

Раней, 19 студзеня, стала вядома, што Дональд Трамп прапанаваў Нурсултану Назарбаеву, які знаходзіўся з візітам у ЗША, перанесці перамовы з Мінска. Назарбаеў сцвярджаў, што першапачаткова перамовы павінны былі праводзіцца ў Казахстане.

Каментуючы паведамленне аб змене мінскай пляцоўкі, кіраўнік беларускага МЗС Уладзімір Макей адзначыў, што перамовы «можна перанесці хоць у Антарктыду, калі будзе ўпэўненасць у іх поспеху».

4
Русафоб непамяркоуны, Змагар, Свядомы , Пан, Беларус-ту / Адказаць
20.01.2018 / 09:00
Мы двума рукамi за . Глядзiце якi сучасны горад . Амаль Хельсiнкi ,як марыу таварыш Макей
7
Анцiк / Адказаць
20.01.2018 / 09:01
нож у спину
7
клоун / Адказаць
20.01.2018 / 09:25
Тоже кофе хотят готовить.....нет уж фигушки,мы первые.....да и кофе у нас вкуснее...
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру