Як стала вядома «Нашай Ніве», з АНТ канчаткова сышоў расійскі вядучы Ілля Коласаў, які рабіў на канале з 2015 года, перайшоўшы туды з расійскага RTVi.
Коласаву проста не працягнулі кантракт, на АНТ ён вёў «Контуры». За час работы ў Беларусі Коласаў адзначыўся тым, што працягнуў супрацоўнічаць з расійскім каналам.
Сыход Коласава з канала супаў па часе з прыходам на АНТ Марата Маркава і Дзмітрыя Бачкова з БТ.
З раздзела «Твары АНТ» на сайце тэлекампаніі таксама зніклі асобныя вядучыя, якія раней часта з'яўляліся ў кадры: Алег Лепешанкоў, Вячаслаў Бандарэнка, Аляксей Міхальчанка.
Як нам стала вядома, яны па-ранейшаму працуюць на канале, але эфірнага часу ў іх паменела: так, Бандарэнка сказаў нам, што цяпер мае толькі рубрыку ў «Нашай раніцы».
Праграмы Міхальчанкі «Як ёсць, так ёсць» у эфіры таксама няма — цяпер ён займаецца візуальным афармленнем сюжэтаў. А вось Лепешанкоў «заняты ў іншых праектах».
Таксама нагадаем, што з канала нядаўна сышоў Вадзім Гігін — ён перайшоў на канал «Белрос», які фактычна немагчыма ўбачыць у Беларусі.