23.01.2018 / 10:30

Мінадукацыі: Не маем звестак, колькі дзяцей у краіне навучаецца па-беларуску 17

«Наша Ніва» звярнулася ў Міністэрства адукацыі, каб даведацца, колькі выхаванцаў садкоў і вучняў школ у 2017/2018 навучальным годзе атрымліваюць веды па-беларуску.

Справа ў тым, што ў снежні 2017 года быў апублікаваны статыстычны бюлетэнь «Адукацыя ў Беларусі». У ім прадстаўленая актуальныя дадзеныя пра гэты навучальны год — колькасць садкоў, школ і ўніверсітэтаў, колькасць вучняў і студэнтаў і іншыя звесткі. А вось інфармацыі пра беларускамоўныя і рускамоўныя класы няма.

У прэс-службе Міністэрства адукацыі карэспандэнту «Нашай Нівы» патлумачылі, што ведамства не валодае такой статыстыкай, хоць ужо прайшла палова навучальнага года.

Ёсць толькі звесткі за мінулы год — у 2016/2017 годзе ў краіне было 2 790 беларускамоўных груп у дзіцячых садках, у якіх навучаліся 40 727 дзетак.

Сярэднюю адукацыю па-беларуску атрымлівалі 128 556 дзяцей [15% ад агульнай колькасці], па-руску — 838 394.

* * *

Нагадаем, што ў інтэрнэце з’явілася поўная карта беларускамоўных груп і садкоў у Мінску з магчымасцю ацаніць персанал, матэрыяльную базу і ўзровень мовы. Гэтая опцыя створаная для бацькоў, цяпер яны могуць скласці рэальныя рэйтынгі дашкольных устаноў, на якія змогуць арыентавацца мамы і таты, што толькі збіраюцца аддаваць дзяцей у садок.

Таксама для бацькоў, якія хочуць, каб з іх дзецьмі ў садку гаварылі па-беларуску, мінчанка Алена Спірыдон стварыла адмысловы вайбер-чат, да якога ўсе зацікаўленыя могуць далучыцца.

nn.by

1
Кулак / Адказаць
23.01.2018 / 10:45
І гэта ў Беларусі? Міністэрства адукацыі: Не маем звестак, колькі дзяцей у краіне навучаецца па-беларуску - вазьміце і мяне да сябе, я таксама хачу быць такім дармаедам як вы.
1
Seka / Адказаць
23.01.2018 / 10:46
Звольніць усё міністэрства за некампетэнтнасьць!
1
ВСК "Ваўкалак" / Адказаць
23.01.2018 / 10:47
Еще бы коммуняка был в курсе ) На то и назначили - добить и разгладить
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру