22.01.2018 / 21:49

1100 еўра злупілі з турыстаў за абед у Венецыі: мэр паабяцаў разабрацца 24

Мэр Венецыі Луіджы Бруньяра абураны высокімі цэнамі ў рэстаранах горада — пра гэта ён заявіў пасля таго, як чацвёра японскіх турыстаў паскардзіліся ў паліцыю на рахунак у 1100 еўра за чатыры стэйкі і талерку смажанай рыбы.

У рахунак, які прынеслі чатыром студэнтам з Японіі ў рэстаране недалёка ад плошчы Святога Марка, таксама ўваходзілі звычайная вада і абслугоўванне.

Тры сяброўкі студэнтаў, што падарожнічаюць разам з імі, пайшлі ў іншы рэстаран, але і там ім давялося заплаціць 350 еўра за тры талеркі пасты з морапрадуктамі, паведамляюць мясцовыя СМІ.

«Мы старанна разбярэмся і даведаемся, наколькі правамерныя гэтыя скаргі», — напісаў мэр у твітары.

«Калі пацвердзіцца, што гэта ганьба сапраўды была, мы зробім усё магчымае, каб пакараць вінаватых. Мы за справядлівасць — заўсёды!» - дадаў чыноўнік.

Скаргі японцаў падтрымаў афіцыйны прадстаўнік арганізацыі жыхароў Венецыі «Група 25 красавіка» Марка Гаспарынэці.

Італьянскія СМІ не называюць рэстаран, у якім абедалі японцы, аднак ўдакладняюць, што ўстановай кіруе егіпцянін, а валодае ім кітаянка.

Гаспарынэці ў гэтай сувязі скардзіцца на тое, што толькі 1,1% рэстаранаў вакол плошчы Святога Марка належаць мясцовым жыхарам, ды і ў цэлым венецыянцы валодаюць толькі паловай устаноў, размешчаных у гістарычнай частцы горада.

«Група 25 красавіка» мае намер апублікаваць на фэйсбуку парады для турыстаў, якія павінны дапамагчы ім пазбегнуць падобных выпадкаў, дадаў ён.

13
Satan / Адказаць
22.01.2018 / 22:05
А они цены в меню че не смотрели чтоле? В ресторан пошли на святого марка вишь-ли. Хотели бы сэкономить, прошли бы дальше и купили фастфуд недорого.
4
Satan / Адказаць
22.01.2018 / 22:10
Да, пусть ещё сразу разберется с продавцами недвиги. Там в центре Венеции ценники за халупы, как в Лондоне за вполне приличные виллы.
5
Колька / Адказаць
22.01.2018 / 22:25
а в меню цены не печатают?
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру