У сувязі з блакаваннем сайта «Хартыі'97» «Наша Ніва» звязалася з кіраўніцтвам Міністэрства інфармацыі, каб удакладніць, ці існуюць нейкія ўмовы вяртання сайта ў інфармацыйную прастору.
Нагадаем, «Беларускі партызан», які трапіў у падобную сітуацыю, «уратаваўся» пераходам у даменную зону.by.
Міністр інфармацыі Аляксандр Карлюкевіч гэтыя дні на бальнічным, ён параіў звярнуцца да свайго намесніка Ігара Луцкага.
«Давайце так: сёння ўжо працоўны дзень скончыўся. Заўтра будуць усе афіцыйныя звесткі, даруйце, нічога больш не скажу. Рашэнне прынятае», — сказаў нам Луцкі.
Ігар Луцкі. Фота Minsknews
