25.01.2018 / 14:16

Святлана Куль. Што ні год, дык у покуці болей гаротных ікон 6

Святлана Куль паўтарыла ў сваім фэйсбуку верш, напісаны чатыры гады таму

«Напісала з нагоды смерці іншага паэта. але думаю пра гэты верш сёння. Даволі ўжо смерцяў», — адзначыла яна.

Што ні год, дык у покуці болей гаротных ікон,
Адлятаюць паэты - адзін аднаму наўздагон,
Невялікая, браце, у неба чарга засталася,
Там нанова былая «Батлейка» цяпер сабралася,
Там няма ні АМАПу, ні здрайцаў, ні іншай халеры,
Толькі кава у кубках, і, пэўна «Крывавая Мэры».
Тут зіма, і на снезе крывавыя пішуць паэмы
Каб патрапіць нарэшце ў «Батлейку» свайго Бэтляема.
Зачыніце кавярню, спыніце ў нябёсах застолле.
Пачакайце.
Трывайце.
Пішыце.
Жывіце.
Даволі!

22.1.13.

Хочаш падзяліцца важнай інфармацыяй ананімна і канфідэнцыйна?

0
Вернай дарогай?.... / Адказаць
25.01.2018 / 14:25
Выдатна, як заўсёды!
0
Таццяна / Адказаць
25.01.2018 / 14:27
Сапраўды, верш актуальны. І напісана вельмі добра. Мае спачуванні родным і прыхільнікам М. Анемпадыстава!
1
Хуткая / Адказаць
25.01.2018 / 22:04
Нічога, новыя народзяцца. Галоўнае, не сумнявацца, не перашкаджаць і духам не падаць. 
Вечны адпачынак дай ім пане, а святло вечнае няхай ім свеціць.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру