У цэнтры Кіева прайшло шэсце памяці Міхася Жызнеўскага, забітага падчас падзей на Майдане 22 студзеня 2014 года. Украінцы і беларусы з нацыянальнымі сцягамі, а таксама сцягамі УНСА ды іншых украінскіх нацыяналістычных арганізацый прайшлі ад Міхайлаўскай плошчы да Нацыянальнай оперы, а потым па Храшчаціку да помніка Міхасю Жызнеўскаму, паведамляе Радыё Свабода.
