Зірніце, як ён апісвае кавалак белага хлеба: «Па смаку — штосьці паміж нарачанскім хлебам і італьянскай чыабатай».
Кокобай ацаніў іронію і апублікаваў відэа ў сваім інстаграме з прыпіскай: «Сёння Антон адкажа на самае папулярнае пытанне сярод нашых чытачоў: «Як, як жа стаць прафесійным фудхантэрам і не спіцца?» Запомніце, паляўнічымі на ежу не нараджаюцца, імі становяцца. Рабі, што любіш, і любі, што робіш».
Відэа ўжо паглядзелі 19 тысяч чалавек. Сёння Кокобай — хіба найбольш папулярны анлайн-праект пра ежу, які рэгулярна дае справаздачы пра смачнасць страў у мінскіх рэстарацыях.
Антон — сын першага намесніка дзяржсакратара Рады бяспекі Андрэя Уцюрына, цяпер ён працуе менеджарам праектаў у кампаніі Itransition. Мы нядаўна пісалі пра хлопца ў нашым традыцыйным аглядзе пра жыццё і заняткі дзяцей беларускіх топ-чыноўнікаў.
А як вы ставіцеся да фудблогераў?
