03.02.2018 / 10:07

Пра якую падзею ў Беларусі можна было б зняць кіно тыпу «Рух уверх»? А вы як думаеце? Выказвайцеся ў каментах 61

Піша ў сябе ў фэйсбуку Стась Карпаў.

Нядаўна нехта ў стужцы пытаў: пра якую спартыўную падзею ў Беларусі можна было б зняць духаўздымнае кіно тыпу «Рух уверх».

Я думаю, што пра спартыўныя перамогі людзі пачынаюць здымаць фільмы ў двух выпадках. Першы — калі у цябе выпускаецца стотышч фільмаў у год і сцэнарысты не паспяваюць ваяць, а акторы тухнуць, гніюць і прастайваюць.

Вось як у ЗША.

Другі выпадак: вакол беспрасветны капец. Усё гераічнае, што было — было ў акопах і было знята.

Кіна няма, а сцэнарысты, што б ні пісалі — нязменна пішуць «жопа» ужо ў сінопсісе.

Народныя спадзевы звязаныя выключна з мельдоніем. І таму трэба пра спорт.

У выпадку Беларусі здымаць фільмы пра спартыўныя падзеі — гэта самы панылы і бессэнсоўны занятак.

У нас, хоць вакол і капец, але яшчэ не было знята галоўнага.

І я не кажу пра Усяслава Чарадзея, пра Астрожскага ці Скарыну.

У нас можна зняць фільм пра чалавека, які прыдумаў ракетнае паліва, пражыў агромнае жыццё, бачыў, як з попелу і роспачы здабыла незалежнасць краіна, за якую ён змагаўся.

Ці пра хлопчыка, які прыбіраў Купалаўскі тэатр, і як пасля там паставілі спектакль па ягонай кнізе.

Ці пра іншага хлопчыка, які спыняў бульдозер, баронячы крыжы.

У нас ёсць пра што здымаць духаўздымнага — вось цяпер. 

І пра цяпер здымаць трэба як мага хутчэй, пакуль сюжэты ідуць і верыцца ў лепшае.

Наогул, здымаючы беларускі фільм вельмі важна разумець, у які момант яго пачаць і ў які скончыць. 

Бо праблема Беларусі ў цэлым не ў адсутнасці сюжэтаў, а ў недахопе хэпі-эндаў.

8
makssokal / Адказаць
03.02.2018 / 10:21
Мне першай прйшла на думку - гэта гісторыя пра Мулявіна і Песняроў. У іх было ўсё: і ідэя, і ўзлёт і падзенне , а галоўнае - багатая спадчына. Сапраўдны жыццёвы тралер. Здаецца зараз самы час здымаць фільмы пра адраджэнне беларускай культуры.. 
2
ром / Адказаць
03.02.2018 / 10:21
вунь вам сюжэтау шмат.. кожны год Лукашэнка у хакей па 15 шайб шпуляе усим падрад!! пачыму б пра гэта не знять??
а гэтым разам яго даже адличыли у штраф-зону -- вось гэта сюжетны паварот!!


або пра Марзалюка чалавека з бел. народа!!
4
tt / Адказаць
03.02.2018 / 10:22
Шчэрба!
Паказаць усе каментары/ 61 /
Каб пакінуць каментар, калі ласка, актывуйце JavaScript у наладах свайго браўзеру