03.02.2018 / 15:39

Японія падарыла бальніцам на Гомельшчыне $130 тысяч на куплю абсталявання 17

Цырымонія падпісання грант-кантрактаў прайшла ў Мінску з удзелам Пасла Японіі ў Беларусі і галоўных лекараў бальніц, якія ўдзельнічаюць у праграме дапамогі, паведамляюць «Моцныя Навіны».

У лік пераможцаў грантавага конкурсу ўвайшлі Кармянская цэнтральная раённая бальніца і абласная дзіцячая клінічная бальніца ў Гомелі. Выдзеленыя сродкі накіруюць на ўдасканаленне медыцынскага абсталявання лячэбных устаноў.

— Мэта праграмы «Карані травы» — дапамога людзям, якія пацярпелі ад аварыі на Чарнобыльскай АЭС і яе наступстваў, — адзначыў Пасол Японіі ў Беларусі Хірокі Такунага. — Праграма не абмежаваная толькі медыцынскай сферай. Мы маем намер працаваць з праектамі таксама ў сферах адукацыі, сельскай гаспадаркі і культуры.

Фота БЕЛТА

Як адзначаецца, Кармянская бальніца атрымае грант у памеры амаль 50,5 тысячы долараў для закупкі ЛОР-ўстаноўкі. Абласной дзіцячай бальніцы выдзелена больш за 80 тысяч долараў. Грошы пойдуць на набыццё сучаснага эндаскапічнага абсталявання.

Праграма «Карані травы — грантавая дапамога для праектаў па забеспячэнні бяспекі чалавека» рэалізуецца Урадам Японіі з 2004 года. Агульная колькасць падтрыманых у Беларусі праектаў дасягнула 41, сума фінансавай дапамогі — амаль 3,4 мільёна даляраў.

0
Добры Дзень / Адказаць
03.02.2018 / 15:51
Расьпілуюць ці не?
0
Отож / Адказаць
03.02.2018 / 15:53
О как раз в новый медцентр для чиновников нужно многое по мелочи! Наивные японцы и предполагать не могут, что в Беларуси клептомания возведена в ранг искусства и приносит немалые барыши театралам, киноманам и графоманам из газеток и книжонок.
0
хамер / Адказаць
03.02.2018 / 16:03
У ў той час Жарко пабудаваў сабе катэдж за 700тыс.дал.
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру