04.02.2018 / 11:15

На Віцебшчыне вяскоўцы пакутуюць ад ваўкоў, якія нападаюць на сабак 4

У Гарадоцкім раёне Віцебскай вобласці ваўкі трымаюць у страху некалькі вёсак. Інфармацыя прагучала ў эфіры тэлеканала АНТ, піша Белта.

Ахвярамі драпежнікаў становяцца вартавыя сабакі. У прыватнасці, сляды ваўкоў рэгулярна бачаць жыхары вёсак Максімаўка, Мяжа, Лялеўшчына, Газьба.

Праз гэта вяскоўцы баяцца па вечарах выходзіць на вуліцу. Паляўнічыя пастаянна ладзяць аблавы на ваўкоў. Толькі ў студзені ў Гарадоцкім раёне было здабыта 11 жывёл.

Але заманіць дзікага звера ў пастку складана, паколькі за ноч ён можа прайсці да 30 кіламетраў.

Па словах спецыялістаў, у вёскі драпежнікі наведваюцца праз недахоп корму ў лесе. Акрамя таго, на іх колькасць у раёне ўплывае блізкасць мяжы з Расіяй.

«Для ваўка межаў не існуе. Калі мы яго здабываем тут, на яго месца прыходзяць іншыя. Знішчыць іх на 100% практычна немагчыма», — адзначыў вядучы паляўніцтвазнаўца Гарадоцкай раённай структуры Беларускай арганізацыі паляўнічых і рыбаловаў Валерый Кажаноўскі.

nn.by

0
Э / Адказаць
04.02.2018 / 11:25
Колькі тых ваўкоў у параўнанні з карупцыянерамі.
3
0 / Адказаць
04.02.2018 / 14:29
Ну і дзе падзеліся тыя абаронцы правоў жывёл? Або яны толькі за адзічэўшых катоў і сабак змагаюцца?
0
Віцяблянін / Адказаць
05.02.2018 / 11:06
Спадарства чыноўнікі, а куды ж вы радзелі корм зь лесу? Чаму яго няма для ваўкоў, што яны да людзей пайшлі???.. Мо на паляваньне трэба езьдзіць радзей, а больш свайго працоўнага часу займацца сапраўднымі праблемамі грамадзтва?! Тады і ваўкі будць сытыя:)
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру