04.02.2018 / 20:50

На паэтычны фестываль «Вершы на асфальце» ў Мінск едуць зоркі еўрапейскай літаратуры — праграма 8

VII Міжнародны паэтычны фестываль пройдзе 16 і 17 лютага ў Мінску. У ім возьмуць удзел паэты, перакладчыкі, музыканты з Беларусі, Нарвегіі, Польшчы, Татарстана, Украіны, Швецыі. Арганізатары — Саюз беларускіх пісьменнікаў і Беларускі ПЭН-цэнтр.

Паэтычныя чытанні, прэзентацыі арыгінальных і перакладных кніг, круглы стол па вяртанні рэпрэсаванай літаратуры, музычныя выступы, перакладчыцкі батл і «Ноч паэзіі і музыкі» з узнагароджаннем фіналістаў конкурсу «Верш пра каханне» на прызы «Амерыканкі» — і гэта яшчэ не ўсё, што чакае наведнікаў штогадовага Стральцоўскага фэсту.

Упершыню будзе ўручаная прэмія імя Міхася Стральцова, адбудзецца ўганараванне лаўрэатаў прэміі «Залаты апостраф» часопіса «Дзеяслоў».

Сярод шаноўных гасцей — зоркі еўрапейскай літаратуры нарвежац Стэйнар Упстад, паэткі Атэна Фарухсад (Швецыя) і Вальжына Морт (ЗША-Беларусь). Улюбёнец беларускай публікі Сяргій Жадан прадставіць новую кнігу ў перакладзе на беларускую мову, інтрыга вакол якой да апошняга трымаецца ў таямніцы.

Уваход на ўсе мерапрыемствы фестывалю вольны.

Праграма VII Міжнароднага паэтычнага фестывалю «Вершы на асфальце» памяці Міхася Стральцова

У праграме магчымыя змены.

І ДЗЕНЬ (16 лютага, пятніца) 

Галерэя TUT.BY (Мінск, пр. Дзяржынскага, 57; станцыя метро Міхалова)

Урачыстае адкрыццё фестывалю. 

Уручэнне прэміі імя Міхася Стральцова. 

Прэзентацыя кнігі Міхася Стральцова «Я зноўку тут» (укладальнік Віктар Шніп).

Уручэнне прэміі «Залаты апостраф» часопіса «Дзеяслоў».

18:00 — 19:00

Памяці Міхала Анемпадыстава. Спявае Кася Камоцкая.

19.00 — 19.30

Вечар паэтаў-лаўрэатаў. Выступяць Міхал Бараноўскі, Наста Кудасава, Уладзімір Някляеў, а таксама лаўрэаты прэміі імя Міхася Стральцова і прэміі «Залаты апостраф». 

19:30 — 20:30

Рыгор Барадулін. «Псалмы». Спявае Міхаіл Рубін.

20:30 — 21:00

Міжнародныя чытанні: Уладзімір Арлоў (Беларусь), Лілія Газізава (Татарстан, Расія), Сяргій Жадан (Украіна), Вальжына Морт (ЗША-Беларусь), Стэйнар Упстад (Нарвегія), Андрэй Сцепанюк (Польшча), Сяргей Прылуцкі (Украіна-Беларусь), Атэна Фарухсад (Швецыя).

21:00 — 22:30

ІІ ДЗЕНЬ (17 лютага, субота)

Кавярня-клуб «Грай» (Мінск, вул. Інтэрнацыянальная, 33)

Круглы стол «Прапушчаныя старонкі: паэзія 1920-х — пачатку 1930-х гг.». Прэзентацыя зборнікаў Алеся Дудара і Юлія Таўбіна, а таксама кнігі «Бліскавіцы: анталогія беларускай жаночай паэзіі міжваеннага перыяду». Сяргей Будкін, Аксана Данільчык, Віктар Жыбуль, Ганна Севярынец, Міхась Скобла, Андрэй Хадановіч.

12:00 — 13:30

Канцэрт Алеся Дзянісава.

13:30 — 14:00

Прэзентацыя новых кніг (Серыі «Кнігарня пісьменніка», «Пункт адліку», «Бібліятэка «Дзеяслова» і іншыя выданні.) Валянціна Аксак, Віктар Жыбуль, Віктар Казько, Ганна Комар, Ігар Кулікоў, Алесь Ліпай, Кацярына Массэ, Уладзімір Някляеў, Сяргей Прылуцкі, Усевалад Сцебурака, Андрэй Сцепанюк.

14:00 — 16:00

Перакладчыцкі батл. Прэзентацыя новых кніг з серыі «Паэты планеты».

Удзел бяруць Уладзімір Арлоў, Лявон Баршчэўскі, Алесь Емяльянаў-Шыловіч, Сяргій Жадан, Марына Казлоўская, Зміцер Колас, Ганна Комар, Ігар Крэбс, Ігар Кулікоў, Марыя Мартысевіч, Кацярына Маціеўская, Сяргей Прылуцкі, Андрэй Хадановіч, Юля Цімафеева, Ганна Янкута.

16:00 — 17:30

Прэзентацыя кнігі паэта-набеліста Тумаса Транстромера «Пад вольным небам».

З удзелам Атэны Фарухсад (Швецыя), а таксама перакладчыкаў Уладзіміра Арлова, Лявона Баршчэўскага, Алесі Башарымавай і Андрэя Хадановіча.

17:30 — 18:30

«Ноч паэзіі і музыкі».

Сяргій Жадан (Украіна), Вальжына Морт (ЗША-Беларусь), Лілія Газізава (Татарстан, Расія), Стэйнар Упстад (Нарвегія), Атэна Фарухсад (Швецыя), Юля Фінькоўска (Украіна), Андрэй Сцепанюк (Польшча), Сяргей Прылуцкі (Украіна-Беларусь), Крысціна Бандурына, Васіль Барысюк, Альгерд Бахарэвіч, Дар’я Бялькевіч, Уладзімір Глазаў, Павел Дарохін, Таццяна і Дзмітрый Дзмітрыевы, Югася Каляда, Наста Кудасава, Алесь Ліпай, Марыя Мартысевіч, Галіна Сіўчанка, Дзмітрый Строцаў, Усевалад Сцебурака, Віка Трэнас, Юля Цімафеева (Беларусь).

Узнагароджанне фіналістаў конкурсу «Верш пра каханне» на прызы «Амерыканкі».

Музыка: Сяргей Башлыкевіч, Уладзь Лянкевіч.

18:30 — 23:00

nn.by

3
Lilia / Адказаць
04.02.2018 / 22:12
Ну што? Рыхтаваць ужо пасты: "Свабоду Жадану"? 
17
маразм крепчает. / Адказаць
04.02.2018 / 22:25
Что это за цель - возвращение репрессированной поэзии и литературы? Это сейчас интересно. актуально и полезно для того. чтобы это читать и слушать. или опять какая-то история давно забытых дней и что в те времена кого-то мучили и убивали? Здесь и сейчас мы как живем. о сегодняшнем дне сказать нечего. проблем нет и обращаться не к кому с проблемами. поэтому нужно искать кто что писал в прошлые века и возвращать это. чтобы жить проблемами прошлого людей прошлого. переживая за них а не о собственных чувствах и мыслях говорить от того. что видим в окружающей нас действительности? Если поэты куда-то отлетают. то это их проблемы. 
1
РРР / Адказаць
05.02.2018 / 00:18
маразм крепчает. ,

маразм крепчает у тех, кто вечно чем-то недоволен. Программа ведь - на любой вкус, и туда, как на хоккей минских школьников, никто загонять не будет!
А литература про 30-е годы - это литература и про наше время. Подлость человеческая, склонность доносить на других никуда не исчезла!  
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру