05.02.2018 / 17:08

Галоўнага інжынера МЗКЦ прызналі невінаватым ў атрыманні хабару, і адразу ж затрымалі па новай справе 2

Галоўны інжынер Мінскага завода колавых цягачоў Андрэй Галавач быў затрыманы ў маі 2015 года. Сёння Суд Фрунзенскага раёна Мінска апраўдаў інжынера, але ён быў адразу ж затрыманы па новай справе.

Па версіі следства, ён, а таксама начальнік канструктарскага бюро і намеснік начальніка інструментальна-штампавога кіравання МЗКЦ атрымлівалі хабары за садзейнічанне пры пастаўках на адзін з заводаў. Усяго следства выявіла 80 эпізодаў атрымання хабару, Андрэю Галавачу інкрымінавалі атрыманне больш чым 180 тысяч дэнамінаваных рублёў.

Расследаванне працягвалася амаль два гады. У сакавіку 2017-га Андрэй Галавач быў асуджаны па ч. 3 арт. 430 КК (Атрыманне хабару ў асабліва буйным памеры) на 8 гадоў калоніі ўзмоцненага рэжыму з канфіскацыяй маёмасці.

Сёння Суд Фрунзенскага раёна Мінска абвясціў апраўдальны прысуд 56-гадоваму галоўнаму інжынеру, але адразу ж ён быў затрыманы па новай справе.

Яго затрымалі супрацоўнікі галоўнага ўпраўлення па барацьбе з арганізаванай злачыннасцю і карупцыяй, паведамляе прэс-служба МУС.

Яго зноў падазраюць у атрыманні хабару ў асабліва буйным памеры. За магчымасць ажыццяўлення пастаўкі для патрэб прадпрыемства абсталявання коштам больш за $20 мільёнаў мужчына нібыта атрымаў ад іх хабар у памеры $70 тысяч.

Галоўнае следчае ўпраўленне Следчага камітэта па гэтым факце распачала крымінальную справу па ч. 3 арт. 430 КК. Затрыманаму пагражае да 15 гадоў пазбаўлення волі.

nn.by

1
Сваяк / Адказаць
05.02.2018 / 17:20
Па старой савецкай звычцы працаўнікі выносять па трохі з завода, але ж іх начальства кантэйнерамі вывозіць крадзеныя запчасткі, і жыве не хужэй чынавенства.
Мусіць усіх бізнэсменаў лукашэнкі  на грошы"раздаілі", калі пачалі "даіць" прамысловых дзяржслужбоўцаў.
Лукашэнкі-даяры добра ведаюць, што ўсе іх падначаленыя крадуць.
Іх і на пасаду не прызначаць, калі не будзе на кожнага крымінальнага кампрамату.
1
раз'Юшан / Адказаць
05.02.2018 / 21:07
І што атрымліваецца? З гады круцілі-круцілі па адных стаццях незнайшлі ці выдаілі? Вынайшлі другія стацці падыходзяць, ці мо грошы павінны быць, будуць далей мурыжыць? Зусім не зразумелае правасуддзе.
Каб пакінуць каментар, калі ласка, актывуйце JavaScript у наладах свайго браўзеру