06.02.2018 / 17:21

Давыдзька пасля адстаўкі: Ці мне сорамна? Ганаруся, што змагаўся за стабільнасць 75

Старшыня Белтэлерадыёкампаніі Генадзь Давыдзька страціў пасаду пасля амаль як 8 гадоў працы. Ён застанецца кіраўніком «Белай Русі», а таксама, магчыма, атрымае месца ў Савеце Рэспублікі.

Давыдзька пракаментаваў «Нашай Ніве» такое кадравае рашэнне Аляксандра Лукашэнкі. 

фота Сяргея Гудзіліна.

Генадзь Давыдзька: Тое, што я быў і старшынёй Белтэлерадыёкампаніі, і кіраўніком «Белай Русі», не супярэчыла статутам арганізацый, я мог гэта спалучаць. Ну але і не выключаў варыянт, што з БТ давядзецца сысці — бадай што ён справядлівы.

«Наша Ніва»: Чым вы ганарыцеся і за што адчуваеце сорам?

Генадзь Давыдзька: Я ганаруся тым, што цягам 7 гадоў штодзённа рабіў у кампаніі. Параўнайце кампанію ўзору 2010 года: яе аўтарытэт, колькасць каналаў, якасць, тэхнічнае абсталяванне… І што стала цяпер, прытым што замест 3000 работнікаў працуе менш за 2000! Як узрос аўтарытэт канала!

А што да сораму, то вы, напэўна, маеце на ўвазе нейкія нашыя журналісцкія расследаванні? І фільмы? За якія мне не тое што не сорамна, я ганаруся тым, што мы змагаліся як маглі за стабільнасць, за панаванне нашага пункту гледжання! Можа, і былі нейкія памылкі, але яны былі на карысць дзяржаўнасці.

«НН»: А што не паспелі зрабіць?

Генадзь Давыдзька: Не паспеў узмацніць прысутнасць кампаніі ў інтэрнэце. І я збіраўся здымаць кіно: вельмі бракуе беларускага кіно. Серыяльнага, гістарычнага, сучаснага… Я лічу, што асноўная ідэалогія — і амерыканская, і расійская, і ўкраінская таксама — праходзіць праз мастацкія стужкі, праз серыялы, культуру. У нас жа адсутнічае гэтая вытворчасць, на жаль, хаця гэта асноўны ідэалагічны і выхаваўчы момант. Каб падсілкоўваць грамадства, можна ўвасобіць нацыянальную ідэю ў мастацкім матэрыяле. І гэта я не паспеў, бо грошай вечна бракавала — на тое трэба, на тое… А вось на мастацкую частку не хапала.

Я збіраўся пачынаць вытворчасць серыялаў. Сённяшнія каналы, на жаль, транслююць расійскае, украінскае кіно, а свайго няма. Спадзяюся, гэта будзе пры новым кіраўніку — ён, верагодна, узмоцніць навінавы і аналітычны складнік. 

«НН»: Ці знікнеце вы з эфіру пасля адстаўкі?

Генадзь Давыдзька: Вам жа сумна стане, калі «Клуба рэдактараў» не будзе! (Смяецца.) Ён будзе абавязкова, гэта патрэбны праект. Ну і ўсё, на гэтым абмяжуюся.

Але ніхто ж не забараняе «Белай Русі» стварыць уласны інфармацыйны рэсурс. Я думаю, мы пакрысе-пакрысе будзем рухацца ў кірунку стварэння нейкага свайго інтэрнэт-рэсурсу. Як ён будзе выглядаць, колькі людзей будуць працаваць, які кантэнт — гэтага пакуль не ведаю, але трэба ўзмацняць менавіта гэтую тэрыторыю. Мой досвед кіраўніка СМІ вельмі прыдасца да месца на гэтай пасадзе.

Чытайце таксама: Князь Вітаўт з Калымы: гісторыя поспеху (ці падзення) Генадзя Давыдзькі

***

На тэлеграм-канал «Нашай Нівы» можна падпісацца тут.

Арцём Гарбацэвіч

2
:) / Адказаць
06.02.2018 / 15:45
Белорусы стабильно выключали телевизоры. а некоторые их уже даже не покупают. чтобы не выключать. 
3
МатрУна / Адказаць
06.02.2018 / 15:50
неужели он это говорит серьёзно ? Думаю , что ему всё же стыдно. 
0
lazy-bones / Адказаць
06.02.2018 / 15:51
Рэд. Выдалена.
Паказаць усе каментары/ 75 /
Каб пакінуць каментар, калі ласка, актывуйце JavaScript у наладах свайго браўзеру