11.02.2018 / 23:14

У ЗША пабудавалі беспілотнае судна, здольнае адсочваць бясшумныя падводныя лодкі ФОТА 4

Навукова-даследчае кіраўніцтва ВМС ЗША атрымала ў канцы студзеня беспілотнае судна, здольнае адсочваць бясшумныя падводныя лодкі, піша РІА Новості са спасылкай на National Interest.

Sea Hunter. Image was released by the United States Navy.

Судна «Марскі паляўнічы» (Sea Hunter), якое перададзена амерыканскім вайскоўцам ў рамках праграмы па стварэнні беспілотных караблёў для адсочвання адносна бясшумных дызель-электрычных падводных лодак (ACTUV), мае даўжыню 40 метраў і здольнае развіваць хуткасць 27 вузлоў (50 кіламетраў за гадзіну). Выданне адзначае, што гэта самы вялікі ў свеце беспілотны карабель.

Вайскоўцы мяркуюць, што «Марскі паляўнічы» можа стаць першым узорам у новым класе судоў, здольных пераадольваць велізарныя адлегласці без экіпажа на борце.

На думку экспертаў, адносная таннасць ў эксплуатацыі ў параўнанні з традыцыйнымі эскадранымі мінаносцамі — адна з пераваг «Марскога паляўнічага». Штодзённае абслугоўванне беспілотнага карабля абыйдзецца ВМС ЗША ў 15—20 тысяч даляраў, у той час як эскадраны мінаносец патрабуе штодзённых выдаткаў у памеры 700 тысяч даляраў.

Прымаючы пад увагу павелічэнне колькасці падлодак імаверных супернікаў, паляпшэнне супрацьлодкавай абароны ЗША, як піша NI, стала неадкладнай задачай для амерыканскіх вайскоўцаў.

Па некаторых падліках, агульная колькасць кітайскіх дызель-электрычных падлодак да 2030 года дасягне 75 адзінак, пры гэтым многія з іх будуць адпавядаць перадавым стандартам. NI таксама адзначае поспехі Расіі ў аднаўленні падводнага флоту.

На думку экспертаў, «Марскі паляўнічы» можа быць прыняты на ўзбраенне ВМС ЗША ўжо сёлета. Акрамя таго, у снежні мінулага года амерыканскі флот заключыў кантракт на распрацоўку яшчэ аднаго беспілотнага судна пад папярэдняй назвай «Марскі паляўнічы — 2».

3
не важно / Адказаць
12.02.2018 / 02:37
Русские или китайцы его украдут. Надо хотя бы сторожа в рубку посадить.
5
Літвін-БЕЛАРУС / Адказаць
12.02.2018 / 09:35
Ў іх :  "Марскія паляўнічыя" ?
У нас : Аркан  - на "паляўнічых" !
4
Redo / Адказаць
12.02.2018 / 11:24
Потом кино снимут про этого "Морского охотника". Сценарий, типа - навернулась на этом суденышке какая то деталька, уплыло оно самостоятельно в Китайский порт и его желтые воины присвоили. Но, как всегда, американский герой-одиночка восстановил справедливость и вернул судно на родину...
Действительно, без людей такой лодочке с малой неисправностью затеряться в Мировом океане - раз плюнуть. Американцы, видимо, перемудрили...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру